Ғылым – ұлттық ресурс, елдің экономикалық өркендеуінің өзгермейтін құрамдас бөлігі, ел болашағының кепілі. Сіз өзіңіздің жұмысыңызбен және ынта-жігеріңізбен ғылымның дамуына баға жетпес үлес қоса аласыз. Әрбір өнертабыс, жаңа технология белгілі бір ғалымның ғылыми батылдығына, зеректігі мен зерттеушілік құмарлығына негізделген.
Әлемдегі соңғы оқиғалар ғылым мен инновацияның ХХІ ғасырдағы адамзат дамуының қозғаушы күшіне айналғандығын тағы бір рет растайды. Қазақстанның бай тарихы, әлемге әйгілі ғалымдары, ғылыми қоғамдастық мойындаған зерттеу мектептері бар.
Біз биылғы жылы 65 жылдық мерейтойын атап өтетін А.Бараев атындағы астық шаруашылығы ғылыми-өндірістік орталығы да сондай белгілі ғылыми орталықтардың бірі болып табылады. Оның қуатты зерттеулері мен өндірістік әлеуетінің, озық технологиялары мен бай еңбек дәстүрлерінің арқасында астық өнеркәсібі алдына қойылған ең күрделі міндеттер ойдағыдай шешілуде. Орталықта көрнекті мамандар – астық индустриясының дамуына өлшеусіз үлес қосқан шығармашыл, мақсатты және креативті адамдар жұмыс істеді және жұмыс істейді.
Біздің танымал ауыл шаруашылығы ғалымдарымыз Александр Бараев, Валентин Кузьмин, Эрвин Госсен, Александра Зайцева, Владимир Мовчан, Мехлис Сүлейменов, Александр Буряков, Валерий Кирюшин, Жексенбай Қасқарбаев, Ақылбек Күрішбаев және тағы басқаларының есімдері еліміздің ғылыми шежіресінен лайықты орын алады.
Бұл орайда, осы ғылыми мектептің ізбасарлары болып табылатын қазіргі ғалымдар М.Филонов, А.Юрченко, К.Акшалов, В.Скобликов, Г.Чуркина, А.Бабкенов, С.Бабкенова, Н.Руканавицына, В.Заболотских, Н.Слепкова, Қ.Құнанбаев, Я.Наздрачев, Ю.Долинный, М.Өтебаев, И.Ошергина және басқаларына ерекше алғыс айтамын.
Осы айтулы күні құрметті ғалымдар сіздердің күнделікті қажырлы еңбектеріңіз, ұлттық ғылымның болашағы жолындағы ізденістеріңіз де небір ризашылық сезімге лайық.
Біздің ғылыми-өндірістік орталықтың ұжымы Қазақстан Республикасындағы барлық ғылым өкілдеріне ғылыми-зерттеу және кәсіби қызметінде сәттілік, жемісті жұмыс, мықты денсаулық пен адал іс-әрекет тілейді.
Ғани Стыбаев,
«А.И.Бараев атындағы астық шаруашылығы ғылыми-өндірістік орталығы» ЖШС Басқарма төрағасының ғылым жөніндегі орынбасары.
