Қорғалжында саяси қуғын сүргін құрбандарын еске алу шарасы өтті

31 мамыр – саяси қуғын-сүргін құрбандарын еске алу күні. Тарихтағы бұл қаралы күн Қазақстан Республикасының тұңғыш Президенті Нұрсұлтан Назарбаевтың Жарлығымен 1997 жылдан бастап аталып өтеді. Саяси репрессия 1928 жылдан басталды. Қазақ елінде алдымен Алаш қайраткерлері тұтқындалды.

Оларға «ұлтшыл» деген айып тағылды. Салдарынан Әлихан Бөкейханов, Бейімбет Майлин, Ахмет Байтұрсынов, Мағжан Жұмабаев, Тұрар Рысқұлов, Ілияс Жансүгіров және тағы басқа зиялылар ату жазасына кесілді.

Ақмола облыстық ішкі саясат басқармасының мәліметінше, Қорғалжын ауданының орталығында өткен шараға аудан әкімі Берік Женбаев, жергілікті зиялы қауым өкілдері, тарихшылар, сондай-ақ, саяси қуғын-сүргін құрбандарының ұрпақтары Бөлеген Мұхамедияұлы Тыныбеков, Лев Васильевич Гейленгер, Валентина Николаевна Деткова, Мария Яковлевна Латыпова, Нина Александровна Бойченко қатысты.

Шара барысында саяси қуғын-сүргін құрбандары мен Алаш қайраткерлерінің құрметіне ағаш отырғызылды.

By admin

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Өзге де жаңалықтар