Ел аумағында «Келімсек-2021» операциясының бірінші кезеңі басталды. Бұл туралы ҚР ІІМ баспасөз қызметінің өкілі Шұғыла Тұрлыбек айтты, деп хабарлайды ҚазАқпарат тілшісі.
«5 шілдеден ел аумағында ішкі істер органдары шекара қызметтерімен бірлесіп, «Келімсек-2021» операциясының бірінші кезеңін бастады», – деді деді ол ІІМ баспасөз қызметі алаңында өткен брифинг барысында.
Осы ретте ІІМ өкілі операцияның мақсатына да жан-жақты тоқталып өтті. «Оның мақсаты – шетелдіктердің заңсыз көші-қон арнасын және заңсыз көші-қонды ұйымдастырушылардың қызметін анықтау және жолын кесу, шетелдіктердің келген еліне өз еркімен қайтарылуына, оның ішінде реадмиссия тәртібімен, іздеуде жүрген адамдарды анықтауға жәрдем көрсету», – деді Шұғыла Тұрлыбек.
Дереккөз: www.inform.kz
