Қарттар күні – бұл біздің ата-аналарымыз бен ата-әжелерімізді ерекше назарға алып, мейірім мен бар жылылығымызды төгетін әдемі де жарқын мереке.
Қарттар мерекесіне орай, Өзбек этномәдени орталығы Қазақстан халқы Ақмола ассамблеясының этномәдени бірлестіктерінің, қоғамдық құрылымдарының өкілдері үшін мерекелік түскі ас ұйымдастырып, ерекше көңіл-күй сыйлады. Бүгінде еңбектерінің зейнетін көріп, зейнеткерлікте жүрген қарияларды этномәдени бірлестіктің төрайымы Тажибуви Медетова құттықтап, игі тілектерін жеткізді.
Дөңгелек үстел басында бас қосқан аға буын өкілдері өздерінің қызықты естеліктерімен бөлісіп, жастық шақтарының сүйікті әндерін бірлесе шырқады.
–Олар да кезінде адал жұмыс істеп, өз Отанына қызмет етіп, мемлекетіміздің дамуы мен өркендеуіне зор үлес қосты. Қазір олар құрметті демалыста, кейбіреулері немерелерін тәрбиелеумен, басқалары қоғамдық қызметпен айналысады. Сондықтан, осындай әдемі мерекеде еліміздің егде адамдары мен ерекше көңіл бөлуді қажет ететін жандарына жақсы көңіл-күй сыйлау бүгінді ұрпақтың парызы деп білемін, –дейді Тажибуви Усмановна.
Ырысалды ШАМШИЕВА.
