Бұл туралы өңірлік коммуникациялар қызметінде өткен брифингте аудан әкімі Аманбек Қалжанов мәлім етті.
Оның айтуынша, осы күні Атбасар қаласында су басуы мүмкін аймақта 500 отбасы тұрады. Оның 200-ін биылғы жылғы қыркүйек айына дейін көшіру жоспарланған. Қазіргі кезде Атбасар қаласында 200 пәтерлі екі тұрғын үй салынып жатыр.
«Біз соңғы үш жыл ішінде 459 отбасын су басу аймағынан көшірдік. Дегенмен әлі де 500 отбасы қаупті аймақ тұрып жатыр. Бұл 500 отбасын көшіру үшін 100 пәтерлі бес тұрғын үй мен оның инженерлік желілеріне жобалық сметалық құжаттама әзірленді. Өткен жылы Үкімет резервінен 100 пәтерлі екі тұрғын үй мен оларға инженерлік желілер салуға 4 миллиард 200 миллион теңге бөлінді. Алдағы қыркүйек айына қарай 200 отбасын орналастыруды жоспарлап отырмыз. Ал қалған 300 отбасын көшіру үшін 3 тұрғын үйдің құрылыс бойынша Ақмола облыстық құрылыс басқармасы жұмыс істеп жатыр»,-деді А.Қалжанов.
