Бурабай кентінің пәтерлерінде қалыптан тыс салқындау кезінде орын алған орталық қазандықтағы штаттан тыс жағдайдан кейін температуралық режимді тұрақтандыруға қол жеткізілді, деп хабарлайды Ақмола облыстық ішкі саясат басқармасынан.
Қарашаның соңғы күндеріндегі төмен температура жылумен камтамасыз етумен айналысатын мамандарды күшейтілген режимде жұмыс істеуге мәжбүр етті. Қол жеткізілген температуралық режимді жоғалтпау үшін коммуналдық кәсіпорын мамандары «Висман» фирмасының жаңа қазандық жабдықтарын қосуға шешім қабылдады, салдарынан гидравликалық және температуралық режимде технологиялық ақау орын алды.
Ақмола облысының энергетика және тұрғын үй-коммуналдық шаруашылығы басқармасының басшысы Данияр Қуанышбаевтың айтуынша, қазіргі уақытта қазандық штаттық режимде жұмыс істеуде.
«Жеткізу температурасы +70C. кері құбыр +60C, жылумен жабдықтау жүйесі бойынша судың кері жылдамдығы сағатына 1600 текше метр. Қазіргі уақытта барлық технологиялық режимдер қалыпты», – деді облыстық ведомство басшысы.
Кенттегі әлеуметтік нысандар-емхана, кітапхана +20C штаттық температуралық режимде жұмыс істейді.
«Кенттік қазандықтың істен шығуына байланысты температураның уақытша төмендеуі байқалды. Әсіресе тұрғындардың пәтерлеріндегі температураны бақылау күшейтілді. Қазір температура көтерілуде. Тұрғын үйді тұрақты аралау көптеген пәтерлердің температурасы +20C, кей жерлерде +22C екенін көрсетеді», – деді Бурабай ауданы әкімінің орынбасары Ерлан Биданов.
