2022 жылғы 29 қараша мен 2 желтоқсан аралығында академик Е. А. Бөкетов атындағы Қарағанды университетінің базасында жаратылыстану-математикалық бағыттағы пәндер бойынша XV Президенттік олимпиаданың үшінші (республикалық) кезеңі өтті.
Олимпиада бұған дейін республикалық және халықаралық пәндік олимпиадаларға қатыспаған республиканың білім беру ұйымдарының 11-сынып оқитын 191 оқушысы арасында өткізілді.
Олимпиаданың басты идеясы – патриоттық рухты, мықты, интеллектуалды, жоғары білімді қазақстандық оқушыларды тәрбиелеу, жаратылыстану-математика ғылымдарын тереңдетіп оқыту.
Аталмыш олимпиадаға Ақмола облысынан 10 оқушы қатысты. Оның қорытындысы бойынша ІІІ дәрежелі дипломдармен келесі қатысушылар марапатталды:
1. Балсейіт Елдана — Көкшетау қаласы, Абай атындағы (қазақ тілінде оқытылатын) дарынды балаларға арналған № 3 облыстық мамандандырылған мектеп-интернатының 11 сынып оқушысы;
2. Ни Тимур – «IQanat High School of Burabay» мектебінің 11-сынып оқушысы;
Президенттік олимпиаданың әрбір қатысушысы барлық кезеңдерде төрт пән бойынша тапсырмаларды орындады: математика, физика, химия және биология.
Олимпиаданың жеңімпаздары мен жүлдегерлері ҚР Оқу-ағарту министрлігінің І, ІІ және ІІІ дәрежелі дипломдарымен марапатталды және республиканың жоғары оқу орындарына түсу үшін берілетін білім гранттарын алу мүмкіндігіне ие болды.
