6 желтоқсанда Қазақстан Республикасы Ұлттық ұланы «Орталық» өңірлік қолбасшылығына қарасты 5510 әскери бөлімінің әскери қызметшілері Көкшетау қалалық орталық үлгілі кітапханасында өткізілген ақын, жазушы-драматург, журналист және қоғам қайраткері Төлеген Қажыбаевтың 80 жылдық мерейтойына арналған «Көкшеден көтерілген көк қаршыға» атты әдеби кешке қатысты.
Жас ұрпақтың бойында рухани-адамгершілік құндылықтарды ұлы тұлға еңбектері арқылы қалыптастыру шеңберінде өткізілген іс-шарада жерлес ақынның өмір жолы мен шығармашылық еңбектері баяндалды. Сарбаздар ақын өлеңдерін жатқа айтып, прозасынан үзінділер оқыды. Сондай-ақ, ұлы тұлға жайында деректі фильм көрсетілді. Іс-шара соңында еліміздің әр өңірінен келген сарбаздар айтулы ақынның мерейтойына арналған кітаптар көрмесімен танысты.
Бауыржан НҰРҒАЛИЕВ,
5510 әскери бөлімінің
аға лейтенанты.
