Бұл туралы ҚР Цифрлық даму, инновациялар және аэроғарыш өнеркәсібі министрлігінің телекоммуникация комитетінің төрағасы Ержан Мейрамов Орталық коммуникациялар қызметінің ақпарат алаңында хабарлады.
Оның сөзінше Қазақстанда 24 миллион абонент бар. Олардың 10 пайызы 5G жиынын қолданады.
– 2021 жылы Түркістанда желінің жылдамдығын тексеру мақсатында 5G желісінің пилоттық зонасы іске қосылды. Желі ешқандай мәселе тудырмай, жоғары жылдамдықпен жұмыс істегенін айта кету керек. Жыл сайын елімізде тарифтерді қолдану белсенділігі 20-30 пайызға артып отырады. Дегенмен, соңғы 3 жылда Қазақстанда тарифтердің бағасы өзгермеді. Қазіргі таңда 5G интернет желісін жүзеге асыруға 82 миллиард теңге жұмсалуда. Келесі жылы 5G желісін барша қазақстандық қолдана алады. Тіпті, елдімекендер мен ауылдық жерлерге де орнату қарастырылып жатыр,– деді «Кселл» АҚ Басқарма төрағасы Асхат Узбеков.
2023 жылдан бастап еліміздің барлық өңірінде 5G жоғары жылдамдықты интернет желісі қолжетімді болатынын және тарифтің бағасы әлі бекітілмегенін атап өтті.
«Арқа ажарының» өз ақпараты.
