«АМАNАТ» партиясының Ақмола облыстық филиалында партияның Сайлауалды бағдарламасын түсіндіру және дауыс беруге шақыру мақсатында облыстық мәслихат депутаттығына кандидаттардың, сондай-ақ, олардың сенімді өкілдерінің жас спортшылармен және спорт қауымдастығымен үгіт-насихат кездесуі өтті.
Депутаттыққа кандидаттар өз сөзін жиналғандардың алдында партияның Сайлауалды бағдарламасының негізгі бағыттарымен және ережелерімен таныстырудан бастады.
Партиялық тізім бойынша облыстық мәслихат депутаттығына кандидат Қали Рахметов жұмысшы мен жұмыс беруші арасындағы қарым-қатынасты тез арада өзгерту қажеттігін баса айтты. Кандидат еңбек қауіпсіздігі мәселелеріне де тоқталып, еңбекақыны көтеру қажеттілігіне тоқталып, спорт қауымдастығының жалақысы да аса жоғары емес екенін, оны қайта қарау керектігін айтты.
«Бүгінгі күні біз «АМАNАТ» партиясымен бірлесе отырып, жұмысқа кетіп бара жатқан адам үйіне аман-сау оралатынына және отбасын лайықты табыспен қамтамасыз ететініне сенімді болуы үшін еңбек адамдарының мәселесін шешіп жатырмыз», – деді Қ.Рахметов.
Облыстық мәслихат депутаттығына үміткер Белла Газдиева жастардың назарын қоғам өміріне белсене араласып, берік азаматтық ұстаным көрсету керектігіне аударды. Кандидат облыс тұрғындарының көптеген мәселелерін шешуде «АМАNАТ» партиясының рөлін атап өтті. Бұл ақмолалықтар жүгінетін қоғамдық қабылдаулардың үлкен еңбегі деп көрсетті.
«Ауыл әкімі болып жұмыс істеп, Көкшетауға қайта оралған соң, неге бұл жерде түйткілді мәселелерді шешу мүмкін емес деп ойлай бастадым. Мен өзім көршілеріммен сөйлесіп, адамдармен кездесіп, әркімнің тағдыры әркімнің қатысуына байланысты екенін түсіндірдім.
«Әркімнің дауысы маңызды екенін түсініңіз. Азаматтардың өздерінің қатысуынсыз мемлекетті қайта құру мүмкін емес. Айналамызды өзгерту үшін бастама көтеріп, өзекті мәселелерді көтеру керек. Біз өзгермелі әлемде өмір сүріп жатырмыз, сондықтан, біз осы өзгерістердің белсенді қатысушысы болуымыз керек. Болашақ әрқайсымызға байланысты!» – деді Б.Газдиева.
Бүгінде 13 баланы тәрбиелеп отырған көп балалы ана Құралай Жұмабекова балаларға, оның ішінде ерекше қажеттіліктері бар балаларға арналған тегін спорт секцияларының болуы мәселесін көтерді.
«Отбасында көп бала болса, олардың барлығын ақылы үйірмелерге жіберу мүмкін емес. Бүгінгі таңда партия 9 спорт нысанын, 70 спорт алаңын салу міндетін қойып отыр. Спорт тіпті, көп балалы аналар үшін де қолжетімді болуы керек. Ал сіз бізді қолдасаңыз, алға қойылған мақсаттардың жүзеге асуы оңайырақ болады», – деді кандидат.
Спорт тақырыбын Ақмола облысы поляктар қауымдастығының төрағасы, депутаттықа кандидат Наталья Нагачевская жалғастырып, еліміздің барлық жастарына үлгі әрі қозғаушы күш болып табылатын спортшылар екенін атап өтті.
–Еліміздің әрбір тұрғыны өзін ең маңызды тұлға деп санағанын қалаймын, ал, сіздердің еңбектеріңізді бағаламауға болмайды, сіз өз еңбегіңізбен, тәртібіңізбен өзгелерге үлгі боласыз. Сіздердің қатысуларыңызбен біз биік белестерді бағындырып, дені сау ұрпақ өсетін қуатты жас ел боламыз, – деді Н.Нагачевская.
Жалпы, өңірде дене шынықтыру және спортпен шұғылданатын азаматтардың саны 38,2 пайызды құрайды. Сонымен қатар, спорттық инфрақұрылымның жеткілікті деңгейде болмауы балалар мен жасөспірімдердің, ересек тұрғындардың спортпен шұғылдану, денсаулығын нығайту және бос уақытын тиімді өткізу мүмкіндігін жояды.
Біздің міндетіміз барлық қажетті жағдайларды жасай отырып, облыстың тұрғындарын мүмкіндігінше бұқаралық спортқа тарту. Ол үшін партия 9 спорт объектісі сапалы және уақытында салынуына қол жеткізеді, оның ішінде: 1 спорт сарайы (Бурабай ауданы Щучинск қаласында), 6 дене шынықтыру-сауықтыру кешенінің (Есіл ауданы Есіл қаласында және Қосшы мен Степногорск қалалары мен Бестөбе кентінде, Көкшетау қаласының Красный Яр ауылы, Жақсы ауданының Жақсы ауылы, Қорғалжын ауданы Қорғалжын ауылында), 1 бассейн (Жарқайың ауданының Державинск қаласында), 1 жабық хоккей корты (Степногорск қаласында) салынады, 4 стадион, 9 спорт залына күрделі және ағымдағы жөндеу жұмыстарының жүргізілуіне (дене шынықтыру және спорт басқармасының ведомствосындағы) қаражат қарастырамыз. Балаларға, ең алдымен, көп балалы және әлеуметтік осал отбасылардан шыққан балаларға спорт секцияларына немесе шығармашылық үйірмелерге тегін баруға мүмкіндік береміз. Бұл дене шынықтырумен және спортпен шұғылданатын азаматтардың санын 38,2 пайыздан 50 пайызына дейін жеткізуге мүмкіндік береді.
Кандидаттар қорытындылай келе, «АМАNАТ» партиясы Ақмола облысының және жалпы еліміздің әрбір елді мекенінде лайықты өмір сүру жағдайын жасауға бар күш-жігерін салатындығын айтты.
Келгендердің бірнеше сауалына жауап берген депутаттыққа үміткерлер жиналғандарды тағы да белсенді азаматтық ұстанымдарын көрсетіп, алдағы сайлауға келіп, «АМАNАТ» партиясынан ұсынылған кандидаттарды қолдауға шақырды.
Ақмола облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді.
