Ақмола облысы бойынша Сыбайлас жемқорлыққа қарсы қызмет департаментіне жауапкершілігі шектеулі серіктестік директоры тұрғын үй-коммуналдық шаруашылығы саласындағы проблемалық мәселемен жүгінді, деп хабарлайды ведомствоның баспасөз қызметінен.
Белгілі болғандай, Көкшетау қаласы әкімдігі жанындағы «Көкшетау жылу» коммуналдық кәсіпорны өткен жылдың тамыз айынан бастап мемлекеттік сатып алу туралы шарт бойынша өнім беруші алдындағы борыштық міндеттемелерін орындамаған.
Кәсіпорын қарызды өндіріп алу туралы соттың атқару парағының болғанына қарамастан, 3,3 миллион теңге сомасындағы өз қарызын өтеуге асықпады.
Проблемалық мәселе Департаменттің араласуынан кейін ғана өз шешімін тапты. Нәтижесінде, «Көкшетау жылу» коммуанлдық кәсіпорны бизнес субъектісіне атқарылған жұмыстар үшін толық көлемде төлем жасады.
