Енді қазақстандықтар отандық және шетелдік басылымдарға Қазпоштаның сайты мен Post.kz мобильді қосымшасы арқылы жазыла алады. Ол үшін клиенттерге: https://post.kz/internet-subscription сілтемесі бойынша тіркелу немесе Post.kz қосымшасын орнату қажет.
Басылымды фильтр көмегімен немесе тез іздеу батырмасы арқылы индекс/басылым атауын теру жолымен таңдауға болады. Газет-журналдарға жазылу үшін, клиент басылым санын, жазылу мерзімін көрсетіп, кез келген банк картасымен төлем жасауы керек. Қызмет 24/7 қолжетімді және жеткізілім клиент көрсеткен мекенжай бойынша іске асырылады.
Жазылу бағасы әр басылым бойынша ең қысқа мерзімге көрсетіледі. Қазіргі таңда тұрғындар 1761 басылымға жазыла алады, оның ішінде 460 республикалық, 422 өңірлік және 879 шетелдік газет-журнал бар.
Одан бөлек Post.kz қосымшасы Google Play/AppStore арқылы Android/IOS операциялық жүйесі бар ұялы телефондарда қолжетімді екенін еске саламыз. Сонымен бірге, Post.kz қосымшасының қолданушылары келесі пошта және қаржы қызметтерін пайдалана алады: сәлемдеменің трек нөмірі арқылы оның мәртебесін көру, коммуналдық қызметтер, төлем карталарын рәсімдеу, ҚР кез келген банк картасына аударым жасау және т.б. қызметтер.
Науқан аясында қандай басылымдарға жазылуға болатыны жайлы ақпаратты газет-журналдар каталогынан білуге болады.
2023 жылға арналған мерзімді басылымдардың каталогы
Дереккөз: www.kazpost.kz
