Сыбайлас жемқорлыққа қарсы іс-қимыл департаменті жанындағы бизнесті қорғау жөніндегі мобильдік топқа Көкшетау қаласының жеке кәсіпкері жүгінді. Жергілікті атқарушы органдар оған 6 айдан астам уақыт бойы әкімшілік кедергілер жасады.
Белгілі болғандай, өткен жылдың қараша айынан бастап кәсіпкер қала әкімдігіне бірнеше рет жүгініп, сауда павильонын орнату үшін өз жер учаскесінің нысаналы мақсатын өзгертуге талпынды.
Алайда, шенеуніктер әр түрлі негіздерді көрсете отырып, кәсіпкердің өтінішін қанағаттандырудан әр жолы заңсыз бас тартты. Осы себепті ЖК ұзақ уақыт бойы жерді коммерциялық мақсатта пайдалана алмады.
Сыбайлас жемқорлыққа қарсы іс-қимыл департаменті “Атамекен” ӨКП-мен бірлесіп, мүдделі тұлғалардың қатысуымен кездесу өткізді. Онда мәселені шешу бойынша ұсыныстар әзірленді.
Нәтижесінде Көкшетау қаласының әкімдігі жер комиссиясының оң қорытындысы негізінде қаулымен жер учаскесінің нысаналы мақсатын өзгертті.
