Зеленый бор ауылында «Қазақтану» ғылыми-ағарту жобасын жүзеге асыру аясында «Достық дәмі» фестивалі болып өтті.
Фестиваль аясында ұлттық тағамдар ұсынылды. Абай күніне тұспа-тұс келген іс-шараның ашылу салтанатында ауыл жастары өнерлерін көрсетіп, қазақ-корей тілдерінде ән шырқалып, Абайдың портреттері паш етілді.
– Бурабай ауданында Қазақстан халқы ассамблеясының қазақтану жобасының аясында біздің Ақмола облыстық ассамблеясының жобасымен «Достық дәмі» деп аталатын іс-шараны өткізіп жатырмыз. Еліміз бойынша Абай күніаталып өтуде. Сондықтан, іс-шараның осы жердегі тұрғындардың қолөнер шеберлерінің бұйымдарымен бастау алуы және Ұлы бабамыз, қазақтың ұлы ойшылы, ақылшы данасы Абайдың көрмесіменкөрініс табуы өте маңызды шара болды, – деді «Қоғамдық келісім» мекемесінің басшысы Ермек Нұғыманов.
Фестивальдің басты мақсаттарының бірі қазақ-корей ұлттарының достастығын нығайту. Қазақстанда этностар тату-тәтті бірлікте, өзара келісімде өмір сүріп жатыр. Олар бір-бірінің мәдениет, әдеп-ғұрпын жақсы біледі. Ұлттық тағамдарынан дәм татып, мерекелерді атап өту қалыпты жағдайға айналған. Сонымен қатар, салт-дәстүрді дәріптеу мақсатында тұсау кесер рәсімі де өткізілді.
– Біз бұл осы ауылда туып-өскенбіз. Мектепті, жоғары оқу орнын бітіріп, осы ауылдан еңбек жолымызды бастадық. Бұрын өте көп болғанбыз. Қазір кемі 100 адам бармыз. Немерелерім, ұлдарым, бәріміз корей ұлтының да, қазақ ұлтының да салт-дәстүрін бірдей құрмет тұтамыз. Барлығын Абай күнімен құттықтаймын! Денсаулықтарыңыз мықты, жұмыстарыңыз нәтижелі болсын, – дейді сол ауылдың тұрғыны, зейнеткер Вепа Пак.
Фестиваль соңында Қазақстан халқы ассамблеясы мүшелері және қоғамдық келісімнің сақталуына, ұлтаралық татулықтың нығаюына елеуліүлес қосып жүрген азаматтар Алғыс хаттармен марапатталды.
«Арқа ажарының» өз ақпараты.
Бурабай ауданы.
