Ақмола облыстық мәслихатының төрағасы Бейбіт Жүсіповтың қатысуымен өткен әлеуметтік мәселелер жөніндегі тұрақты комиссияның отырысында ішкі саясат саласындағы проблемалық мәселелер мен цифрландыру және архивтер басқармасының жұмысы туралы мәселелер қаралды.
Ақмола облысының цифрландыру және архивтер басқармасының басшысы Бауыржан Рапиковтың айтуынша, бүгінгі таңда ведомство 6 жобаны іске асырды. Мәселен, Көкшетау қаласындағы барлық 25 мектепте және аудандардағы 80 мектепте бейнебақылау жүйесі енгізілді. Өтініш беру мүмкіндігі бар кәсіпкерлер үшін бизнес құқықтарын қорғау бойынша жеделхат-бот әзірленді. Табиғи монополиялар субъектілері – «Көкшетау Жылу», «Көкшетау су арнасының» 45 қызметі цифрландырылды. Көкшетау қаласының білім беру мекемелерінде орталықтандырылған антивирустық жүйе іске қосылды. Мұрағат мекемелерінде және денсаулық сақтау саласында электронды құжат айналымы енгізілді. «Қолжетімді Интернет» ұлттық жобасы шеңберінде 2023-2027 жылдарға арналған Ақмола облысының елді мекендерінің Интернет желісіне сапалы қолжетімділігін және байланысын қамтамасыз ету бойынша Жол картасы әзірленді. Ағымдағы жылдың соңына дейін 187 мектеп, 50 балабақшада дабыл түймелерін монтаждау, Көкшетау қаласында қоғамдық орындарда 10 дана SOS түймелерін орнату, Wi-Fi жабдықтарын іске қосу және Интернетпен қамтамасыз ету үшін облыс орталығының барлық мектептерінде желілік инфрақұрылымға техникалық тексеру жүргізу жоспарлануда.
Ішкі саясат басқармасы басшысының орынбасары Жандәулет Қылышбаев өз сөзінде өңірдегі жалпы қоғамдық-саяси жағдай тұрақты екенін атап өтті. Басқарма тұрақты түрде 200-ден астам проблемалық мәселелерге мониторинг жүргізеді. Олардың көпшілігі тұрғын үй-коммуналдық шаруашылығы саласымен, көше-жол желісін, әлеуметтік нысандарды салу және жөндеу, жер қатынастарын реттеу қажеттілігімен байланысты.
Комиссия төрайымы Айнагүл Балташеваның төрайымдылығымен өткен отырыс мемлекеттік органдардың айтылған ақпаратын және проблемалық мәселелерді шешудің ұсынылған жолдарын назарға ала отырып, тиісті қаулы шығарды, онда депутаттардың барлық ұсыныстары көрініс тапты.
Ақмола облыстық мәслихатының баспасөз қызметі.
