1970-1982 жылдары Көкшетау аудандық партия комитетінің бірінші хатшысы болып қызмет атқарғанАзнабай Әбілмәжінов өңірдің экономикасын өркендетуде елеулі еңбек сіңірген. Ол тәжірибелі басшы ретінде білікті кадрлармен, депутаттармен және тұрғындармен күнделікті жұмыс жүргізу арқылы ғана барлық шаруаны тиісті деңгейге көтеруге болатынын жақсы түсінген.
Краснояр қалалық үлгілі кітапханасында мемлекет және қоғам қайраткері Азнабай Әбілмәженовтің 100 жылдық мерейтойынаорай жарық көрген «Ғасыр құрдасы Азекең» кітабының тұсаукесері болып өтті.
1968 жылдың күзінде Көкшетау обкомының бірінші хатшылығына атақты жерлесіміз Еркін Нұржанұлы Әуелбековтің келуіне орай жергілікті ұлт кадрларының жұлдызы оңынан туып, лауазымды қызметтерге көптеп тартыла басталды. Ерекеңнің тарапынан қолдау-көмекті Азнабай аға да көрді. Сөйтіп, облыстық партия комитеті бюросының ұсынысымен 1970 жылдың қарашасында Азнабай Әбілмәжінұлы Көкшетау аудандық партия комитетінің бірінші хатшысы болып сайланды. Бұл қызметті Азекең он екі жыл атқарған.
Іс-шараға Көкшетау қалалық ардагерлер кеңесінің төрағасы, 100 жылдық мерейтойды өткізу жөніндегі ұйымдастыру комитетінің төрағасы,Көкшетау қаласы мен Зеренді ауданының құрметті азаматы Шияп Әлиев, Краснояр селолық округінің әкімі Серікжан Мақыш, Зеренді аудандық ардагерлер кеңесінің төрағасы Оралбек Бекішев, Краснояр ауылдық округі ардагерлер кеңесінің төрағасы Есімбек Әбішев, Азекеңнің әріптес шәкірттері Мағауия Рахымбергенов, Амангелді Шүйкенов, Аутас Қасымжанов, Бопан Кәкиев, Егінбай Жапаров, Жеңіс Шүйкенов және зиялы қауым өкілдері, туыс-туғандары қатысты.
Кітаптың тұсаукесер рәсімінШияп Әлиев пенСерікжан Мақыш жасады.Сөйтіп кітапханамыздың қоры ардақты ардагер, қайраткер тұлға туралы тағы бір жаңа кітаппен толықты. Өз өлкесі мен тұтас елдің дамуына үлесін қосқан осындай тұлғалардың есімі ұмытылмай, өскелең ұрпаққа насихаттала беретін болады.
Гүлжанар БОДАУБАЙ,
Краснояр үлгілі кітапханасының меңгерушісі.
