Целиноград ауданында техниканы тарта отырып, өрт қауіпсіздігі бойынша іс-шаралар, көрнекі үгіт-насихат жүргізілді.
2024 жылдың 25 қаңтарында Целиноград ауданында «Қауіпсіз аудан» акциясы аясында аудандық құтқарушылар өрт қауіпсіздігі бойынша іс-шаралар өткізді.
Ақмол ауылының Аудандық мәдениет үйінің алдында өрт салдарларының мысалдарын келтіре отырып, өрт қауіпсіздігі талаптарын сақтау бойынша көрнекі үгіт материалдарының көрмесі ұйымдастырылды, сондай-ақ жарылған газ баллоны мен өртенген электр аспаптары көрсетілді.
Өрт сөндірушілер ауыл тұрғындарына өрт-техникалық қару-жарақтарын көрсетіп, өрт қауіпсіздігінің қарапайым ережелерін жеткізді.
Қысқы кезеңде тұрғын үйдегі өрттер мен өрттердің негізгі себептері электр желілерін, электр аспаптары мен пештерді пайдалану кезінде өртке қарсы режим ережелерін бұзу болып табылады.
Өрттің алдын алу мақсатында осы күндері өрт сөндіру бөлімінің жеке құрамы полиция бөлімінің, қорқоршылық органдарының өкілдерімен, ЖАО қызметкерлерімен және еріктілермен өзара іс-қимыл жасай отырып, аз қамтылған және көп балалы отбасылар, зейнеткерлер, мүгедектер, сондай-ақ алкогольді асыра пайдаланатын адамдар тұратын үйлерге ерекше назар аудара отырып, үй-жайларды аралауды жүзеге асырады.
Целиноград ауданы ТЖБ
Дереккөз: www.gov.kz
