Қосшы қаласы Тайтөбе ауылының тарихында тұңғыш рет 200 орындық мәдениет үйі ашылды.
Іс-шараға Қосшы қаласының әкімі Гайдар Қасенов, ақсақалдар кеңесінің мүшесі Асылхан Байженов, ауыл тұрғындары мен жұртшылық өкілдері қатысты.
Гайдар Қасенов қатысушыларды маңызды оқиғамен құттықтады.
«Мәдениет үйі қарттар мен өскелең ұрпақ үшін рухани даму орталығы болуға тиіс», – деді қала әкімі.
Ғимаратта көрмелер мен жәрмеңкелерге арналған бөлмелер бар. Қазір ұйымда бірден бірнеше үйірмелер жұмыс істей бастады: вокалдық, би, домбырада ойнауды үйрену. Ауылдық кітапхана мен коворкинг кеңістігі де ашылды.
Жаңа әлеуметтік нысан қызметкерлерінің қатарында-республикалық конкурстардың лауреаттары, Құрманғазы атындағы ұлттық консерватория түлектері де бар.
Әлеуметтік саланың жаңа нысанын ашу үшін жеке кәсіпкерден бос ғимарат қалалық бюджет есебінен жалға алынғанын атап өткен жөн.
Дереккөз: www.gov.kz
