М.Т.Айтқұлов 1941 жылы 10 сәуірде Солтүстік Қазақстан облысы Айыртау ауданы Сарыөзек ауылында дүниеге келген. 1964 жылы Қарағанды медициналық институтының емдеу факультетін бітіріп, 3 жыл бойы ҚММИ патологиялық анатомия кафедрасының аспиранты болды.
1967-1981 жылдар аралығында патологиялық анатомия кафедрасының ассистенті болып жұмыс істеді, доцент ғылыми атағын алды және 1995 жылға дейін осы лауазымда қалды. Келесі екі жыл бойы Қарағанды мемлекеттік медицина академиясының патологиялық анатомия курсын басқарды.
1982-1997 жылдар аралығында ҚММИ стоматология факультетінің деканы, деканның орынбасары қызметін қоса атқарды. Келесі 14 жылда Қарағанды мемлекеттік медицина университетінің Сот медицинасы курсымен патологиялық анатомия кафедрасы доценттерінің қатарын толықтырды.
1989 жылдан 1992 жылға дейін Қарағанды облыстық денсаулық сақтау бөлімінің штаттан тыс бас патологоанатомы лауазымын атқарды.
2011 жылдан 2018 жылға дейін Мұрат Тілеуғабылұлы Көкшетау жоғары медициналық колледжінде ағартушылық қызметін жалғастырды.
2018 жылы Ш. Уәлиханов атындағы Көкшетау мемлекеттік университетінде медицина факультеті ашылғанда, Мұрат Тілеуғабылұлы «Морфология, физиология және жалпы патология» кафедрасының меңгерушісі қызметіне шақырылып, жаңа ашылған факультеттің қалыптасуы мен құрылымдық нығаюына үлкен үлес қосты. Басшылық кезінде ол кафедраның материалдық-техникалық базасын дамытуға бастамашы болды. Педагогикалық шеберлік саласында баға жетпес тәжірибесімен кафедра қызметкерлері үшін таптырмас тәлімгер болып қала берді.
2019 жылы кафедра меңгерушісінің өкілеттігін тапсырып, осы күнге дейін кафедра оқытушысы лауазымында жас ұрпақпен тәжірибесімен және білімімен бөлісті.
Белгілі ұстаздың ғылыми қызығушылығы уытты жағдайдағы өкпе патологиясына бағытталған, сондықтан диссертация тақырыбы да осы бағыттан таңдалғаны таңқаларлық емес. Мұрат Тілеуғабылұлының 70-тен астам жарияланымдары, олардың арасында көптеген әдістемелік құралдар мен оқулықтар бар. Мұрат Тілеуғабылұлының мемлекеттік тілдің медициналық әдебиеттегі ұстанымын нығайтуға қосқан үлесі баға жеткізгісіз, бүгінгі күнге дейін өзектілігін жоғалтпайтын және елдің медициналық жоғары оқу орындары қолданатын патологиялық анатомияның оқулықтарын аударылды. Түпнұсқадағы оқулықтардың авторлық ұжымының арасында А.И.Струков, В.В.Серов, О.В.Зайратьянц, В.П.Митрофаненко, И.В.Алабин, Роббинс сияқты белгілі адамдар бар. Фундаменталды оқулықтарды аударудан басқа, профессор Т.З.Сейсембековпен және доцент А.А.Таменовпен бірлесіп, терапевт-дәрігерлерге арналған «Ішкі аурулар», «Ішкі аурулардың негізгі диагностикалық әдістері» сияқты қазақ тілінде оқу құралдарын жариялады.
Ұзақ педагогикалық және ағартушылық қызметіндегі еңбегі назардан тыс қалмады. 1980 жылы Мұрат Тілеуғабылұлы «КСРО Денсаулық сақтау үздігі» белгісімен марапатталды, 1982 жылы «ҚММИ Құрмет кітабына» енгізілді, 2001 жылы «ҚР Президентінің Алғыс хатын» алды, 2006 жылы «Қазақстан Республикасы денсаулық сақтау ісінің үздігі» белгісімен, 2016 жылы «Еңбек ардагері» медалімен, 2018 жылы ҚММИ-дің бірінші ректоры П.М.Поспелов атындағы «ҚММУ-дің дамуына қосқан үлесі үшін» естелік медалімен марапатталды.
Мұрат Тілеуғабылұлы кәсіпқойлықтың, еңбекқорлықтың және жауаптылықтың үлгісі болды. Ол туралы естелік біздің жүрегімізде мәңгі қалады.
Мұрат Тілеуғабылұлының туыстары мен жақындарының қайғысына ортақтасып, орны толмас қазаға көңіл айтамыз.
Құрметпен,
Медицина жоғары мектебінің директоры
Светлана Қабденқызы Мұратбекова және
Ш.Уәлиханов атындағы Көкшетау университетінің ұжымы.
