Биыл ауданда көктемгі су тасқыны кезінде 395 тұрғын үйді су басты, оның 209-ыжарамсыз деп танылды. Зардап шеккендерге 45 пәтерлік төрт тұрғын үй пайдалануға берілді.
Бұрынғы медициналық училищенің жатақхана ғимараты да зардап шеккен 29 отбасына арналған тұрғын үйге айналдырылды.2017 жылы 636 үй су тасқынынан зардап шексе, оның ішінде 459 үй одан әрі тұруға қауіпті деп танылған еді.
Бұл мәселені түбегейлі шешу үшін су тасқынынан зардап шеккендерге арналған 45 пәтерлік он бір тұрғын үйдің құрылысын бастау туралы шешім қабылданды. Бүгінгі таңда Атбасар қаласының №1 шағын ауданында жүз пәтерлік бес тұрғын үй салынып жатыр. Оны жүзеге асыру құны 1 миллиард 187 миллион теңге. Жобаны 2024 жылы аяқтау үшін «Асар Ақмола» қорынан 428 миллион теңге бөлінді.
Сонымен қатар, Атбасар қаласының №1 шағын ауданында жүз пәтерлік бес тұрғын үй салынып жатыр, салыну құны 1 миллиард 326 миллион теңге. Бұл жаңа үйлерге де «Асар Ақмола» қорынан қосымша 125 миллион теңге қаржы бөлінген.
Сондай-ақ, су тасқынынан зардап шеккендер үшін «Асар Ақмола» қоры есебінен 238,5 миллион теңгеге 38 тұрғын үй сатып алынды.
Сонымен қатар, ағымдағы жылдың мамыр айында 2024 жылы су тасқынынан зардап шеккендер үшін қосымша 100 пәтерлі тұрғын үйдің құрылысы басталды. Бас мердігер – «УК Строй» ЖШС. Құрылыстың аяқталуы жыл соңына жоспарланған. Қазіргі таңда үйдің 4-інші қабатының құрылыс жұмыстары жүргізілуде.
Салтанат БӘКІРОВА,
«Арқа ажарының» өз тілшісі.
Атбасар ауданы.
