Сандықтау ауданында “AMANAT” партиясының республикалық мобильді қоғамдық қабылдау бөлмесінің өңірлерге, оның ішінде шалғай ауылдарға шығуы шеңберінде азаматтарды қабылдау өтті.
Партиялықтар Ақмола облысы Сандықтау ауданының ауылдарына барды. Олар Каменка және Балқашино ауылдық округтері тұрғындарының шағымдарын тыңдады.
Қабылдауға “AMANAT” партиясы Азаматтарды мобильді қабылдауға партияның облыстық филиалы төрағасының орынбасары Ақманат Әлімбетова, Ақмола облыстық және аудандық мәслихат депутаттары, сондай-ақ облыстық, жергілікті атқарушы органдардың қызметкерлері қатысты.
Қабылдау барысында екі округтен 20-ға жуық адам өтініш білдірді. Мысалы, Каменка ауылының тұрғындары ауылда агротехникалық колледж студенттері үшін жаңа жатақхана салу қажеттілігі туралы өтініш білдірді. Сондай-ақ, биылғы жылы су тасқынынан зардап шеккен аудандық маңызы бар жолдағы көпірді жөндеу мәселесі көтерілд.
Әрі қарай мобильді топ өкілдері Балкашино ауылының тұрғындарын қабылдады. Ауыл азаматтары партияға облыстық маңызы бар “Новый Городок – Веселое” автожолын жөндеуге қатысты өз тілектерін білдірді, сондай-ақ “жедел жәрдем”автокөлік паркін жаңарту қажеттілігі мәселесі көтерілді.
Азаматтардың барлық өтініштері бақылауға алынды және одан әрі шешу үшін тиісті мемлекеттік органдарға жіберіледі.
