ҚАПЕРІҢІЗДЕ БОЛСЫН!
Жаңа жыл мерекелерін тойлауға санаулы күндер қалғанда, балалар мен ересектердің фейерверк өнімдерін дұрыс қолданбауынан жарақат алатын жағдайлардың саны жыл сайын артады.
Фейерверк өнімдерін сату және пайдалану кезінде қауіпсіздік қазіргі қолданыстағы заңнама арқылы қатаң реттеледі. Негізгі талаптар Кеден одағының «Фейерверк өнімдерінің қауіпсіздігі туралы» техникалық регламентінде (КО ТР 006/2011) белгіленген, ол 2012 жылдың 15 ақпанынан бастап күшіне енген және Кеден одағына қатысушы мемлекеттердің аумақтарында қолданылады.
Техникалық регламент неге қатысты реттейді?
КО ТР 006/2011 келесі міндетті талаптар қояды:
— фейерверк қоспалары;
— фейерверк өнімдерін өндіру, тасымалдау, сақтау, сату және пайдалану процестеріне;
— фейерверк өнімдерін жою және сәйкестендіру ережелеріне.
Регламенттің негізгі мақсаты – азаматтардың өмірі мен денсаулығын қорғау, сондай-ақ, фейерверк қолдану кезінде болатын апаттардың алдын алу.
Фейерверк өнімдерін айналымға шығару тек Техникалық регламент талаптарына сәйкестігін растау процедурасынан өткеннен кейін ғана рұқсат етіледі. Бұл өнімде міндетті түрде өнімнің қауіптілік класы көрсетілген сәйкестік сертификаты немесе декларациясы болуы тиіс дегенді білдіреді.
Сатып алушы бұл құжаттардың бар екенін есте ұстауы керек, өйткені, бұл өнімнің қажетті сынақтардан өткенін және қауіпсіздік талаптарына сәйкес келетінін растайды.
Заңнамаға сәйкес, сәйкестік растамасын өтпеген және бірыңғай айналым белгісі жоқ фейерверк өнімдерін маркілеу және сатуға шығару тыйым салынған. Мұндай өнімді сату азаматтардың өмірі мен денсаулығына нақты қауіп төндіреді.
Техникалық регламент талаптарын сақтамау қолданыстағы заңнамаға сәйкес жауапкершілікке, соның ішінде әкімшілік шараларға әкеледі.
Өзіңізді және жақындарыңызды қорғаңыз
Мерекелік шаралар алдында азаматтарға фейерверк өнімдерін тек арнайы сауда орындарынан сатып алуға, маркілеу мен сәйкестік құжаттарының бар-жоғын мұқият тексеруге, сондай-ақ пайдалану нұсқаулығын қатаң сақтауға кеңес беріледі.
Белгіленген талаптар мен қарапайым қауіпсіздік ережелерін сақтау мерекелік күндерді қауіпсіз өткізуге және өзіңіз бен айналаңыздағы адамдардың денсаулығын сақтауға мүмкіндік береді.
