Балкашино ауылының орталық алаңында Жастар күніне және Қазақстан Республикасының Спорт күніне арналған жарқын мерекелік кеш өтті.
Мерекелік шара аудан тұрғындары мен қонақтарын біріктіріп, баршаға қуаныш, белсенді демалыс пен көтеріңкі көңіл күйге толы кеш өткізуге мүмкіндік берді.
Қатысушыларға Сандықтау ауданының әкімі Серік Құдабай құттықтау сөзін арнады. Аудан әкімі жастарға өз мақсаттарына нық қадам басып, батыл идеяларын жүзеге асыруды, білімде, спортта және қоғамдық өмірде жетістіктерге жетуді тіледі. Сондай-ақ аудан тұрғындарына зор денсаулық, отбасылық амандық және қуанышқа толы күндер тіледі.
Мерекелік шара аясында аудан әкімі дене шынықтыру мен спортты дамытуға үлес қосып, ауданның спорттық өміріне белсенді қатысып жүрген тұрғындарға алғыс хаттар табыстады.
Қонақтар үшін мазмұнды ойын-сауық бағдарламасы ұйымдастырылды. Алаңда дискотека, фотокөрме және бояулар фестивалі өтіп, мерекеге ерекше сән берді. Қалаушылар үшін сауда орындары ұйымдастырылып, сыйлықтар ұтысы мен мерекелік лотерея да кештің көңілді өтуіне септігін тигізді.
Балалар, жастар мен ересектердің басын қосқан бояулар фестивалі ерекше әсер қалдырып, кештің ең есте қаларлық сәттерінің біріне айналды.
Мерекелік бағдарламаның шарықтау шегі Балкашино ауылы кешкі аспанын нұрға бөлеген жарқын от шашумен аяқталды.
Сандықтау ауданы
