Кеше облыс әкімінің орынбасары Нұрлан Нұркенов Есіл ауданының тұрғындары «ұйқы» ауруына шалдыққан Калачи елді мекенінен Атбасар ауданының Родионовка селосына көшірілген көп балалы Беспаловтар отбасында болып, тұрмыс-тіршілігімен танысты.
Осыдан бір жарым ай бұрын 9 адамнан тұратын бұл отбасын жергілікті тұрғындар құшақ жайып, қарсы алған еді. Бүгінгі күні олар жаңа ауылдастарымен жақсы тіл табысқан. Отағасы Иван мен үлкен қызы Карина «Алтын дән» серіктестігінде жұмыс істейді. Қалған үш баласы мектепке орналасқан.
– Осында көшіп келгеніме еш өкінбеймін. Мұнда бізге барлық жағдай жасалған. Сол үшін алғысымыз шексіз. Мал ұстауға қора да, мал да бар. Ең бастысы, «ұйқы ауруына» шалдығамыз деп еш алаңдамаймыз, – дейді отағасы Иван Беспалов пен алты баланың анасы Яна Овсейчик.
Сонымен қатар, көшіп келген отбасына серіктестік бір сиыр, оның жемшөбін берген. 500 мың теңге көлемінде бір реттік көтерме ақы да тағайындалған. Осы орайда, аталған отбасында болып, олардың тұрмыс-тіршілігімен танысқан облыс әкімінің орынбасары Калачи селосынан тұрғындарды қауіпсіз жерлерге көшіру мәселесіне тоқталды.
– Бұл отбасылар әлеуметтік жа-ғынан қорғалатын болады. Сіздердің жағдайларыңыз облыс әкімінің назарында. Сіздерге қолдан келгенше көмек көрсетіледі. Бүгінгі күні 200 түтін бар «ұйқылы»
Калачиден осыған дейін 60-қа жуық отбасы көшірілсе, алдағы уақытта тағы 90 отбасын көшіру жоспарланған. Бірінші кезекте балалары бар отбасылар облыс аумағындағы елді мекендерге қоныстандырлады, – деді өз сөзінде облыс әкімінің орынбасары.
«Арқа ажарының» өз ақпараты.
Атбасар ауданы.
