ҚМДБ Рамазан айында санитарлық талаптарды қатаң сақтауға шақырды

Биыл да қасиетті Рамазан айын пандемия жағдайында өткелі отыр. Қазақстан мұсылмандары діни басқармасының төрағасы, бас мүфти Наурызбай Қажы Тағанұлы ОКҚ өткен брифинг барысында халықты ауызашар кезінде, құлшылық сәттерінде санитарлық талаптарды қатаң сақтауға шақырды.

Ол пандемия кезінде барынша сақтанып жүруге, адам көп шоғырланған орындарға бармауға, ауыз бекіткен жағдайда дұрыс тамақтануға, мүмкіндігінше жұмыс кестесін ыңғайлап, денсаулықты күтуге үндеді.

«Жұқпалы дертті оқшаулану, сақтану арқылы ғана жеңуге болады. Діни басқарма Рамазан айында санитарлық талаптарды сақтай отырырып, қайырымдылық іс-шараларын жоспарлы түрде жүзеге асырады. Баршаңызды игі іске үлес қосуға шақырамын»,- деді еліміздің бас мүфтиі.

ҚМДБ мәліметінше, биыл қасиетті Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні. 13 мамыр – Ораза айттың бірінші күні. Пітір садақа мөлшері 2 келі ұнның ең төменгі бағасы көлемінде, жан басына 420 теңге болып белгіленді.

https://ortcom.kz/kk/novosti/1617880446

 66 total views,  2 Views Today

By admin

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Өзге де жаңалықтар