Техникалық реттеу мәселелері жөніндегі өңірлік штабтың кезекті отырысында төменгі вольттік қондырғылардың қауіпсіздігі жөніндегі Кедендік одақтың техникалық регламенті қаралды.
Жиналысты жүргізген өңірлік штаб басшысының орынбасары, облыстық техникалық реттеу және метрология департаментінің басшысы Ғинаят Қасенов аталмыш регламент жөнінде жан-жақты айтып өтті.
Департаменттің бас маманы Нұрлан Сейдалин өз сөзінде төменгі вольтті қондырғылардың қауіпсіздігі жөніндегі Кедендік одақтың техникалық регламенті бірыңғай кедендік елдер аумағында шығарылатын төменгі вольтті қондырғыларға қатысты екенін, бұған қуаты 50-ден 1000 вольтқа дейінгі ауыспалы тоқ және 75-тен 1500 вольтқа дейінгі тұрақты тоқты пайдалануға арналған электр қондырғылары кіретінін еске салды. Аталмыш қондырғыларды жасағаннан кейін қауіпсіздік талаптарына сәйкес тексерістен өтеді. Ал, Кедендік одақтың техникалық регламент тізіміне енгізілген төменгі вольттік қондырғылар сертификация формасына сәйкес бекітіледі. Сертификат 5 жыл бойы күшін жоймайды. Аталмыш тізімге енгізілмеген қондырғылар декларация формасына сәйкес бекітіледі, пайдалану мерзімі көрсетілмейді.
Парфюмерлік-косметикалық өнімге қатысты техникалық регламент талаптарын сақтаудың мемлекетаралық бақылауы арнайы заңнамаға сәйкес жүргізіледі. Төменгі вольттік қондырғылар Кедендік одақ мемлекеттері рыногындағы өнім айналымының бірыңғай белгісімен белгіленеді. Бөлім басшысы Айгүл Ақтаева техникалық реттеу және сапа жөнінде баяндап, қазіргі заманғы жағдайда өнеркәсіптік бәсекелестіктің дамуы өнім сапасына байланысты екендігіне тоқталды.
Рамазан ТІЛЕУОВ
