Көкшетау қаласының мамандан-дырылған әкімшілік сотында Қазақстан Республикасының әкімшілік құқық бұзушылық туралы Кодексінің 653-бабының 1-бөлігі бойынша, яғни, сотты құрметтемегені үшін азаматша Г.-ге қатысты әкімшілік іс қаралды.
Істі қарау барысында ол Көкшетау қаласының мамандандырылған қылмыстық сотына шақыру қағазы неше мәрте жіберілсе де, сотқа келмеген. Бұл сотты құрметтемеу деп танылды.
Әкімшілік істі қарау кезінде азаматша өз кінәсін мойындады. Жаза шарасын тағайындау кезінде асырауында кішкентай баласы бар екені ескеріліп, мемлекеттік бюджет кірісіне жиырма айлық есептік көрсеткіш мөлшерінде айыппұл түріндегі әкімшілік жаза
қолданылды.
Қалижан СҮЛЕЕВ,
Көкшетау қаласының мамандандырылған
әкімшілік сотының аға сот приставы.
