Несібесін жерден тілеген диқан қауымы үшін бірінен соң бірі жалғасып келіп отырар ауыл шаруашылығы науқандарының бәрі маңызды.
Аршалы ауданының диқандары алдағы егістің қамын қазірден ойлап, қыстың қытымыр күндерінде алқапта қар тоқтату жұмыстарын үзбей жүргізіп келеді.
Биыл аудан шаруашылықтары жалпы көлемі 61 мың гектар алқаптың қарын тоқтатуды жоспарласа, бүгінгі күнге дейін бірінші ізбен қар тоқтату жұмыстары толық аяқталды. 10 мың гектар алқаптың қары екінші ізбен тоқтатылып, алқаптарға қалыңдығы алпыс сантиметрлік қар атжалдары тұрғызылды.
Қар тоқтату жұмыстары барлық шаруашылықтарда жүргізілуде. Осы іске 18 К-700 тракторы жұмылдырылып, ауа райы жағдайына қарамай, науқан қызу қарқынмен жүріп жатыр.
Қалкөз КЕЛДІҒҰЛҰЛЫ.
Аршалы ауданы.
