Ақмол ауылында «Street Workout» спорт алаңы ашылды. Воркоут – бұл «көшеде жаттығу» деген атпен әйгілі халықаралық жастар қозғалысы.
Спорттың бұл түрі сізден ешқандай шығынды қажет етпейді. Онымен кез-келген уақытта, кез- келген жерде айналысуға болады. Ол үшін ең алдымен, ынта керек. Сіз турникте, көлденең белдікте, швед қабырғасында, тіпті, көп қабатты үйдің баспалдағында да айналысуыңызға болады. Бастысы, денеңізге салмақ салып, бұлшық еттеріңізді жетілдіру, төзіміңізді шыңдау керек. Осындай қарапайым жаттығулар жасау арқылы жақсы нәтижелерге жету оңай. Содан болар, бүгінде спорттың бұл түрімен айналысуға ниеттілер қатары жыл санап көбейіп келеді. Целиноград ауданында да алғашқы акцияға 3800 қыз бен жігіт қатысты. Жастар арасында сала-уатты өмір салтын насихаттауға үлкен серпін беретін бұл қозғалысқа қосылушылар қатары алдағы уақытта көбейеді деген сенім зор.
«Арқа ажарының» өз ақпараты.
