Ақмола облыстық білім басқармасының «Ақмола дарыны» дарынды балалар мен талантты жастарды анықтау және қолдау жөніндегі орталығының ұйымдастыруымен «Театрдың ғажайып әлемі» атты тақырыпта оқушы балалар арасындаоблыстық байқау болып өтті. Іс-шараның басты мақсаты балалар мен жастардың шығармашылығын насихаттау, олардың бойында эстетикалық және бейнелі тану, рухани-адамгершілік қасиеттерді қалыптастыру болып табылады.
Байқауға облыстың 9 ауданынан және Астана мен Көкшетау қалаларынан 13 театр ұжымы, оның ішінде 8-17 жас аралығындағы 94 оқушы қатысты. Өнер бәйгесінде балалар «Драмалық спектакль», «Әдеби-музыкалық композиция», «Қуыршақ театры»сияқты аталымдарда өзара бақ сынасты. Қатысушы ұжымдар режиссерлік ой, актерлік ойын, музыкалық шешім, әсем бейне, көркемдік безендірілу критерийлері бойынша бағаланды.
Қазылар алқасының шешімімен байқаудың Бас жүлдесіне Аршалы ауданындағы Қостомар негізгі мектебінің «Шабыт» театр ұжымы марапатталды. Ал, «Драмалық спектакль» аталымында жүлделі 1-ші орынғаАстана қаласындағы №2 дарынды балаларға арналған мектеп-лицейінің «Жұмат Шанин атындағы театры», «Қуыршақ театры» номинациясында Есіл ауданындағы– «Смешарики» театр ұжымы ие болды. Ал, жүлделі 2-ші орынды Бұланды, Астрахан және Шортанды аудандарының ұжымдары өзара бөлісті.
Атап айтар болсақ, Бұланды ауданындағы Макинка қаласындағы «Фантазёры» театр ұжымы«Драмалық спектакль» номинациясында,«Драмалық спектакль» номинациясында Астрахан ауданының Астрахан ауылының «Дарын» театр ұжымы, «Қуыршақ театры» номинациясында Шортанды ауданының Научный ауылының «Зеленая лампа» театр үйірмесі шығармашылық шыңынан көрінді. «Драмалық спектакль» номинациясында Жақсы ауданының Жақсы ауылындағы Оқушылар үйінің «Таңшолпан» театр ұжымы, «Музыкалық спектакль» аталымында «Атамекен» театр ұжымы, Целиноград ауданы, «Жас Шабыт» ұжымы марапатталды.
Сонымен қатар, «Әдеби-музыкалық композиция»,«Образды үздік актерлік бейнелеу»,«Көркем сөз»,«Сахналық костюм», «Үздік сахналық безендіру» және тағы басқа аталымдар бойынша оқ бойы озық тұрған оқушы балалар байқауда ұйымдастырушы алқасының Алғыс хатымен марапатталды.
Барлық қатысушыларға байқауға қатысқаны туралы сертификаттар берілді.
«Арқа ажарының» өз ақпараты.
