Марат Молдахметов басқаратын «Асат» шаруа қожалығы егіншілікпен қатар, мал шаруашылығымен де айналысады.
Бүгінгі күні бастапқыдағы 150 қойдың саны едәуір өсті. Кейін Бүкілдүниежүзілік банктің қой тұқымы сапасын жақсарту грантына ие болды. Осы қаржыға серіктестік қой қораларын салып, еділбай тұқымды қошқарлар әкелді. Кейін «Балкашин асыл тұқымды зауыты» серіктестігінен қазақтың ақбас сиырлары сатып алынып, жергілікті ірі қара мал тұқымын асылдандыруға ден қойылды.
Қожалық басшысы жергілікті малдың сапасы нашарлап кеткеніне алаңдайды. Осы орайда, өткен жылы «Шындәулет К» ауылдық тұтынушы кооперативі құрылып, «Щучинск қалалық сүт зауыты» серіктестігінің мал бордақылау алаңынан герефорд тұқымды 15 бұқа сатып алынды. Осылайша Көктерек, Қызылегіс, Ортағаш және Қарашілік ауылдарының мал табындарында асылдандыру жұмыс қолға алынуда. Бұл өз нәтижесін береді деген сенім бар.
«Арқа ажарының» өз ақпараты.
Зеренді ауданы.
