Облыс әкімі Ермек Маржықпаев жұмыс сапарымен Бурабай ауданында болып,ондағы ауылдарды аралап, аймақты дамыту жұмыстарының барысына назар аударды.
Осыдан бір жыл бұрын Бурабай ауданына қарасты Обалы ауылының тұрғындары балалы отбасыларды өздерінде тұрақты тұруға шақырған болатын. Бұл туралы бұқаралық ақпарат құралдарында да жазылды. Шағын Отанының тағдырына алаңдаған халықтың басты мәселесі – оқушылар санының азаюына байланысты жергілікті негізгі мектепті бастауыш мектеп деңгейіне түсіп қалу қаупі. Өз ауылдары туралы хабарды елге таратып, бірнеше мигранттарды жөндеген үйлеріне қабылдаған тұрғындар мәселенің шешімі табылады деп үміттенді. Алайда, бір жыл өтті, мектеп шағын комплектілі қалпында қалды. Бүгінде үш қабатты үлкен ғимаратта небәрі 41 бала оқиды. Әрине, бұл жағдай тек бұл ауылда ғана емес өзге ауылдарда да орын алуда. Жасыратыны жоқ, мектеп жабылғаннан кейін ауылдар бұрынғыдан да күйі тіпті кетіп жатыр.
Обалыдағы мектеп ғимаратында жылы әрі кең. Ол 450 оқушыға есептеліп,1977 жылы салынған. Білім ошағында 15 мұғалім бар. 100 үйлік шағын ауыл үшін бұл жаман емес. Алайда, үш мың шаршы метрді күтіп-ұстау қиын, ал,оқушылар мен мұғалімдердің саны аз болғандықтан, білім сапасы құлдырамауы керек. Артықшылықтары мен кемшіліктерін таразылай отырып, өңір басшысысол күні өзі барып көрген Савинка мен Веденовка ауылдарындағы мектеп мәселесінің жұмыстарына да аса қанағаттанбады.Сондықтан, бұлмәселе қаралып жатқанын айтты.Бірақ, Обалы тұрғындары мәселенің оң шешілетінінен үміттерін үзбейді. Өйткені, олардың ауылындағы үйлердің күтімі, ауыл іші жақсы абаттандырылған.Демек, болашағы бар деген сөз. Дегенмен, Веденовкада перспективаға қатысты жағдай әлі де сәл басқашалау. Мұндағы мектеп те үлкен, 540 орындық. Үш қабатты ғимаратта 18 пән кабинеті, спорт залы, асхана, медициналық кабинет бар. Мұнда бірінші сыныптан он бірінші сыныпқа дейін 126 бала оқиды, оларға 17 мұғалім сабақ береді. Енді бірер жылдан соң бұл мектепте бала саны әлдеқайда көп болады деген үміт те жоқ емес.
Себебі, жергілікті инвестор – «Веденовка» ауыл шаруашылығы серіктестігінің даму жоспары үлкен. Бүгінде серіктестік ауыл шаруашылығы дақылдарын, оның ішінде майлы дақылдарды өсірумен айналысады. 14 мың гектар жерге қатты және жұмсақ бидай, арпа, сұлы, зығыр егіліген. Өнімділік жақсы, өткен жылы бидай гектарына 15 центнерден айналды. Және олар жаңа технологияларды енгізе отырып, өнімділікті арттыру жұмыстарын жалғастыруда. Шаруашылықта 9 комбайн, 6 егіс кешені, 18 трактор және өндірістік бүріккіштер де бар.
– Тауарлы-сүт фермасын ашуды бұрыннан жоспарлаған болатынбыз, бірақ, төлеуді қажет ететін несиелер болғандықтан кейінге қалдырдық. Қазір банктер алдындағы барлық қарыздар жабылды. Жұмысты бастамас бұрын табысты шаруашылықтарды аралап, тәжірибе жинақтаймыз. Бірінші кезеңде 400 бас голштейн-фриз тұқымды ірі қара мал тұқымын ұстап, келешекте мал санын 1200 басқа жеткізуді жоспарлап отырмыз, – дейді серіктестік құрылтайшысы Талғат Ескендіров.
Оның тағы бір ойы – Кеңес Одағы жылдарында осында болған егістік суару жүйесін қайта жандандыру екен. Айтуынша, аумақта шағын су қоймасы бар, оны ұлғайту арқылы жерасты суару жүйесін жүргізуге болады.
– Су қоймасын жөндеуге көмектесеміз, – деді Ермек Маржықпаев. – Жобалық-сметалық құжаттаманы дайындауға ақша бөлеміз. Әрине, бұл көп шығынды талап етеді, бірақ, су қоймасы қажет. Біз шаруашылықтың бұрынғы жұмысын қалпына келтіруіміз керек.
Облыс әкімі жұмыс сапары барысында Веденовка ауылындағы дәрігерлік амбулаторияны да аралап көрді. Мұнда 2016 жылы бір қабатты ғимарат бой көтерген, ол не қажеттінің бәрімен жабдықталған. «Авиценна – Бурабай» ЖШС директорының міндетін атқарушы Евгений Бекаевтың айтуынша, ауылда 1100 тұрғын тұрады, медициналық мекеме оларға барлық қажетті алғашқы медициналық көмекті көрсетеді. VA-да дені сау балаға арналған бөлмелер, екпе кабинеті, зертхана бар. Дегенмен, кадр мәселесі өткір тұр. Фармацевтикалық білімі бар адамдардың жетіспеушілігінен ауылда дәріхана жоқ.Ал, жалпы ауданда медицина саласына 200-ден астам маман жетіспейді. Ауылда жұмыс істеуге көтермеақы, баспана несиесі де ұсынылады, бірақ,қызығушылық танытушылар аз. Тіпті, келген жас мамандар арасындакөтермеақыны алып, бір жыл жұмыс істемей кетіп қалған жағдайлар да бар.
Облыс әкімі жас мамандар үшін баспана басты мәселе екенін, оның бұл мәселеге жауапкершілікпен қарау керектігін баса айтты. Сондай-ақ, аудан орталығындағы қаңырап бос тұрған ғимаратты қалпына келтіріп, дәрігерлерге арналған жатақхана етіп қайта жабдықтау мәселесін пысықтауды да тапсырды.
Облыс әкімі «Көкшетау жолдары» өндіріс орнын аралау арқылы ауданның дамуының тағы бір қырын бағалады. Компанияның қызмет саласы жолдарды салу, реконструкциялау және жөндеу, сонымен қатар, құрылыс материалдарын өндіру болып табылады. Кәсіпорын Бурабай өңірінде бірқатар жол жобаларын жүзеге асыруды жоспарлап отыр, бұл үшін мұнда екі асфальт-бетон зауыты орнатылып, қиыршық тас ұсақтау кешені іске қосылды. ЖШС директоры Ташмағамбет Қасенов атап өткеніндей, оны іске қосу сәуір айында аяқталуы керек, қазір температураның төмен болуына байланысты мүмкін емес.
– Тиісті базасы жоқ жобаларды қабылдайтын мердігерлер бар. Мәселен, асфальт Астанадан әкелінеді. Бөлінген қаржының басым бөлігі логистикаға кетсе, қандай жұмыс сапасы туралы айтуға болады? Сондықтан, мұндай мобильді кешендерді кеңейтіп, сапалы жұмыс істеу мүмкіндігін қарастырудың маңызы зор. Бурабай ауданында биылғы жылы жоспарлар көп, барлығын жоғары деңгейде жүзеге асыру қажет, – деп түйіндеді сөзін өңір басшысы Ермек Маржықпаев.
Асылай ҚАДЫРҚЫЗЫ,
Владислава КОКОРИНА.
СуреттердітүсіргенАйбек ДАНИЯРОВ.
