Кеше Ақмола облысының әкімі Марат Ахметжанов жұмыс кестесінен тыс уақытта Қосшы қаласындағы Жедел жәрдем орталығын, туристік нысандарды аралап, қар тазалау жұмыстарын тексерді.
Жедел жәрдем орталығында облыс әкімі ескертусіз келіп, материалдық-техникалық жарақтандыруды тексеріп және мекеме қызметкерлерімен сөйлесті.
Орталық қалалық емхана ғимаратында орналасқан.
Іс-сапар барысында 103 бірыңғай желіге қатысты тұрғындардың көптеген арыз-шағымдары бойынша ескертулер. Бұл мәселені шешу үшін қоңырауларды қабылдауды жақсартудың жаңа тәсілдерін қарастыру қажет.
Аймақ басшысы жедел жәрдемнің Бірыңғай ақпараттық жүйесін қамтамасыз етуді, материалдық-техникалық жарақтандыруды жақсартуды, атап айтқанда қосымша жабдықталған 2 жедел жәрдем көлігін бөлуді тапсырды.
«Қала халқының саны белсенді түрде өсуде. Жедел жәрдем қызметкерлері күн сайын арнайы тапсырма орындайды. Біздің міндетіміз – олардың жұмыс істеуіне қолайлы жағдай жасау», – деді М.Ахметжанов.
Салынып жатқан өрт сөндіру бекетін аралаған облыс әкімі стратегиялық нысанның маңыздылығын және оның құрылысын ерекше бақылау қажеттігін атап өтті.
Қала бойынша жұмыс сапары аясында қар тазалау жұмыстары да тексерілді. Қосшы қаласының әкіміне су тасқынына қарсы іс-шараларды тиісті деңгейде жүргізіп, қарды уақытылы шығаруды ұйымдастыру тапсырылды.
Дереккөз: www.gov.kz
