«Жер учаскелерінің бөлінгіштігі мен бөлінбейтіндігін айқындау» мемлекеттік көрсетілетін қызметі «жер қатынастары саласында мемлекеттік қызметтер көрсету жөніндегі қағидаларды бекіту туралы»Қазақстан Республикасы Ауыл шаруашылығы министрінің 2020 жылғы 1 қазандағы №301 бұйрығымен бекітілген.
Мемлекеттік қызметті облыстардың, аудандардың, облыстық маңызы бар қалалардың жергілікті атқарушы органдары (бұдан әрі –көрсетілетін қызметті беруші) көрсетеді.
Мемлекеттік қызметті алу үшін жеке және заңды тұлғалар (бұдан әрі – көрсетілетін қызметті алушы) көрсетілетін қызметті берушінің кеңсесіне:
1) осы Қағидаларға 1-қосымшаға сәйкес нысан бойынша жер учаскесінің бөлінгіштігі мен бөлінбейтіндігін айқындауға өтініш;
2) жер учаскесінің бөлінетін бөліктерінің және қолданыстағы құрылыстардың мөлшерін көрсете отырып, жер учаскесін бөлу схемасы;
3) жер учаскесіне сәйкестендіру құжатының көшірмесі.
Жер қатынастары жөніндегі уәкілетті органның және көрсетілетін қызметті берушінің сәулет және қала құрылысы саласындағы функцияларды жүзеге асыратын тиісті жергілікті атқарушы органның құрылымдық бөлімшесінің жауапты орындаушылары келіп түскен өтінішті бірлесіп қарайды, көрсетілетін қызметті алушыға жер учаскесінің бөлінуі немесе бөлінбейтіндігі туралы жазбаша жауап не мемлекеттік қызмет көрсетуден бас тарту туралы дәлелді жауап дайындайды және жер қатынастары жөніндегі уәкілетті органның басшысына не адамға қол қоюға жолдайды, оны алмастырушыға, 10 (он) күнтізбелік күн ішінде.
Көрсетілетін қызметті алушы құжаттар топтамасын және (немесе) қолданылу мерзімі өткен құжаттарды толық ұсынбаған жағдайда, жер қатынастары жөніндегі уәкілетті органның жауапты орындаушысы 2 (екі) жұмыс күні ішінде өтінішті одан әрі қараудан дәлелді бас тартуды дайындайды және көрсетілетін қызметті алушыға жібереді.
Мемлекеттік қызметті көрсету тәсілдері (қолжетімділік арналары): көрсетілетін қызметті берушінің кеңсесі арқылы.
Мемлекеттік қызметті көрсету мерзімі: 15 (он бес) күнтізбелік күн.
Қазақстан Республикасының заңнамасында белгіленген мемлекеттік қызмет көрсетуден бас тарту үшін негіздер:
1) мемлекеттік қызметті алу үшін көрсетілетін қызметті алушы ұсынған құжаттардың және (немесе) олардағы деректердің (мәліметтердің) дәйексіздігін анықтау;
2) көрсетілетін қызметті алушының және (немесе) мемлекеттік қызмет көрсету үшін қажетті ұсынылған материалдардың, деректер мен мәліметтердің «жер учаскелерінің бөлінетіндігін және бөлінбейтіндігін айқындау» мемлекеттік көрсетілетін қызмет қағидаларында белгіленген талаптарға сәйкес келмеуі.
Мемлекеттік қызмет көрсетудің нәтижесі жер учаскелерінің бөлінгіштігі мен бөлінбейтіндігін айқындау туралы хат немесе Мемлекеттік қызмет көрсетуден бас тарту туралы дәлелді жауап болып табылады.
Мемлекеттік қызмет көрсету нысаны: қағаз түрінде.
Д.АХМЕТОВА,
Ақмола облысының ауыл шаруашылығы
және жер қатынастары басқармасының жер қатынастарын
үйлестіру және реттеу бөлімінің бас маманы.
