Ақмола облысының әкімдігінде «Қосшы қаласында экоқалашық пен Индустриалды парк құрылысы» жобасының таныстырылымы өтті.
Жобаға астаналық Агломерацияны дамытудың 2024-2028 жылдарға арналған кешенді жоспары енгізілген және ол инвестордың қаражаты есебінен әзірленіп, жүзеге асырылатын болады. Іс-шараға «Boyut ConstructionCompany», «Omtıs», «Нұр-Сәулет» ЖШС, «НИПИ «Астанагенплан» ЖШС өкілдері қатысты.
Жобамен танысқан Ақмола облысының әкімі Марат Ахметжанов Қосшы қаласының Астана агломерациясын дамытудағы ерекше рөлін атап өтті.
– Президент Қосшы қаласын қазіргі заманғы қалалардың бірі ретінде дамыту жөнінде міндеттер қойды. Сондықтан астаналық облыстық маңызы бар қаланың ерекше мәртебесі бар», – деді М.Ахметжанов.
Астана агломерациясы жергілікті Кеңесі Хатшылығының және «Астана бас жоспары» ҒЗЖИ» ЖШС өкілі Гүлнәр Құсайынованың айтуынша, жобаның орналасқан жері Қосшы қаласының 2040 жылға дейінгі бас жоспарының шешімдеріне сәйкес келеді, оны «Қазгипроград» ЖШС күшімен әзірленген және ОМО-да келісу және бекіту рәсімінен өтеді.
– «Жасыл сәулет» идеясының мәні-ғимараттар мен құрылыстардың элементтері тек тірек және қоршау құрылымдары ретінде ғана емес, сонымен қатар күн-жел электр станциясының элементтері болып табылады. Ғимараттың қаңқасы жел электр станциясының діңгегі ретінде жұмыс істейді, ал қоршау құрылымдарына (төбесі, қабырғалары) күн панельдері орнатылады, – деді Гүлнәр Құсайынова.
Сонымен қатар, жобаның басты ерекшелігі – шартты жеке үй мен учаскені барлық ыңғайлылығы бар пәтерге көшіру және үй-жайларды заманауи технологиялар арқылы жеке учаскеге бейімдеу. Мысалы, жылыжайлар, тамшылатып суару, күн панельдері, сұйық көгалдар, контейнерлердегі ағаштар, шығармашылық ландшафт дизайны.
Әр түрлі міндеттер үшін 4-тен 20 қабатқа дейінгі тұрғын үй кешендерінің әр түрлі биіктігі қарастырылған. Биіктік панораманың сұлулығымен және жақсы инсоляциямен артықшылық болады.
Тұрғын үй кешендері жаяу жүргіншілерге арналған жабық галереямен біріктіріліп, оның бойында сауда, қоғамдық-іскерлік, спорттық-сауықтыру және ойын-сауық нысандары орналасқан.
Кездесу соңында Ақмола облысының әкімдігі мен «Қосшы қаласындағы Экоқалашық және индустриалды парк» жобасының инвесторлары арасында ынтымақтастық туралы Меморандумға қол қойылды.
Ақмола облысы әкімінің баспасөз қызметі.
