Ағымдағы жылы Қазақстанда мемлекеттік қызметшілерге, әскери қызметшілерге, арнаулы және құқық қорғау органдарының қызметкерлеріне, сондай-ақ, бюджеттік ұйымдардың басшыларына құмар ойындар мен бәс тігуге қатысуға тыйым салынды.
Бұл тыйымды Қазақстан Республикасының Президенті «Қазақстан Республикасының кейбір заңнамалық актілеріне ойын бизнесі және лотерея қызметі мәселелері бойынша өзгерістер мен толықтырулар енгізу туралы» Қазақстан Республикасының Заңы шеңберінде бекітті. Мұндай мемлекеттік қызметшілерге қатысты тыйым салу заңы бұзылған жағдайда тәртіптік шаралар қабылданатын болады. Сондай-ақ, борышкерлердің бірыңғай тізіліміне енгізілген мүліктік өндіріп алу туралы атқарушылық құжаттар бойынша орындалмаған міндеттемелері бар адамдар ставкалар жасай алмайды және казинода ойнай алмайды.
Бұл шаралар ойынға тәуелділікті азайтуға және барлық азаматтар үшін қауіпсіз және жауапты орта құруға бағытталған.
Барлық қызметкерлерді толық ақпараттандыруды қамтамасыз ету мақсатында Ақмола облысының әділет департаментінде Әдеп жөніндегі уәкіл тұрақты түрде семинарлар өткізеді. Бұл іс-шараларда жаңа заңнамалық шектеулер мен олардың салдары егжей-тегжейлі талқыланады.
Бұдан басқа, Қазақстанның әрбір азаматы енді EGOV Mobile қосымшасы арқылы құмар ойындарға және бәс тігуге қол жеткізуді өз бетінше шектей алады. Бұл қызмет заңды ойын мекемелеріне және лицензияланған букмекерлік кеңселердің сайттарына алты айдан бір жылға дейін кіруге бірден тыйым салуға мүмкіндік береді. Аталған шара ойынға тәуелділік қаупін азайтуға көмектеседі.
Сонымен қатар, этикалық ахуалды жақсартуға және мемлекеттік қызметке деген сенімді нығайтуға ықпал етеді деп үміттенеміз.
Медет ЕДРІСОВ,
Ақмола облыстықәділет департаментінің Әдеп жөніндегі уәкілі.
