Қазақстан Коммунистік халық партиясы облыстық филиалында Мемлекет басшысының «Болашаққа бағдар: рухани жаңғыру» мақаласында айтылған маңызды мәселелер талқыланды.
Филиал басшысы Бейсенбай Мәжитов Елбасы мақаласын саяси-идеологиялық құжат деп бағалады.
Жұртшылықтың назарына қазақ халқының мәдениетінен сыр шертетін слайд ұсынылып, партия хатшысы мақаладағы бағыт-бағдарды алдағы уақытта жұмыла жүзеге асыруға шақырды. Ал, «Нұр Отан» партиясының облыстық филиалы төрағасының бірінші орынбасары Ғалым Бекмағамбетов мақалада айтылған ұлттық код жайлы әңгіме қозғады.
– Мақалада жазылған рухани мәселелер ең бірінші орында тұру керек. Дәстүрімізді берік ұстанатын, парыз бен қарыздың салмағын білетін адал ұрпақты тәрбиелеу бүгінгі заман талабы, – деді Ғалым Мәдешұлы. Сондай-ақ, отырыста жастардың бойында кіші Отанына деген сүйіспеншілікті қалыптастыруға «Туған жер» бағдарламасының тигізер ықпалы зор екендігі баса айтылды.
«Арқа ажарының» өз ақпараты.
