Қазақстан Республикасының Тұңғыш Президенті, Елбасы Нұрсұлтан Назарбаевтың қауіпті індет жайлаған кезде Қазақстан халқына арнаған Үндеуі әр қазақстандықтың көңілінен шығып, алғысты сезім туғызғаны анық.
Елбасының бастамасымен осы бір сындарлы сәтте халыққа көмек көрсету мақсатында «Біз біргеміз!» шарасының бастау алып кеткендігі белгілі.
Міне, осыған сәйкес «Birgemiz-Aqmola» Ақмола қоғамдық қоры Көкшетау қаласының 8500 тұрмысы төмен отбасыларына нақтылы көмектер жасады. Бірінші кезекте 2930 отбасыға, ал, екінші кезекте 5075 отбасына әр қайсысына 50 000 теңгеден ақша төленді.
Сонымен бірге, көп балалы аналар, Ұлы Отан соғысының ардагерлері мен мүгедектері, туа бітті мүгедек балалары бар жандарға, жетімдер мен тыл ардагерлеріне де көмек ретінде азық-түлік үлестірілді. Алдағы уақытта мұндай игі шара жалғасатын болады.
