25 Қазан 2014

Құтты болсын айтамыз!

Бұрын Зеренді ауданына қарасты Қостомар ауылында тұрған, қазір Көкшетау қаласының тұрғыны Мәрия Хасенқызы ХАСЕНОВА бүгінгі күні 75 жасқа толып отыр. Апамыз  барлық саналы ғұмырын білім саласына арнады. Е.Бөкетов атындағы Қарағанды мемлекеттік университетінің химия-биология факультетін тәмамдағаннан кейін Қостомар орта мектебінде зейнет жасына дейін ұстаздық етті. Марқұм жездеміз Мәдениет Ахметов те математика пәнінен сабақ берді. Екеуінің алдарынан  дәріс алған сандаған шәкірттері бүгінгі таңда қоғамымыздың әр саласында еңбек етіп, өз ұстаздарын үлгі-өнеге тұтады. Апа-жездеміз білім саласында еңбек ете жүріп, екі ұл, екі қыз тәрбиелеп өсірді, оларға жоғары білім әперді. Қазір олар да бір-бір шаңырақтың иелері. Тағы бір айта кетерлік жәйт, Мәрия апамыз ұлы, Қостомар ауылының имамы Серікбаймен бірге  қажылық сапарға барып келді.
Біз мерейтой иесіне зор денсаулық, ұзақ ғұмыр, қажымас қайрат, отбасының амандығын тілей отырып, ұл-қыздары, немере-шөберелерінің қызығына тоймай, арамызда жүре беруіне шын жүректен тілектестігімізді білдіреміз. 

Читать далее

Қимада Есенбайдай ақын өткен

Қазақстан Республикасының құрамында бір кезде Торғай атты облыс болған. Ол 1970 жылғы қараша айында бұрынғы Қостанай облысының Аманкелді, Арқалық, Жанкелдин, Октябрь аудандары мен Ақмола облысының Державин, Есіл, Жақсы, Жаңадала аудандары негізінде құрылған еді. Арада екі-үш жыл өткеннен кейін бұларға тағы бір аудан қосылып, өз алдына шаңырақ көтерді. Атақты Есіл өзені мен оның сол жақ саласы Терісаққан ағып өтетін тұсына орналасқан табиғаты өте көркем бұл аймақ Қима ауданы деп аталды. Біз бүгін өмір жолы мен шығармашылық өресіне кеңірек тоқталып, әңгіме еткелі отырған әйгілі ақын, Терісаққан тарланы атанған Есенбай Сасанұлы, міне, осы Қима жерінің тумасы болып табылады.

Читать далее

Дастарханда ештеңе қалдырмайтын болдық

«Қазақстан әйелдері» журналының кезекті санын қолыма алып, Астана қаласынан Мағзұм қажы Балтабайұлының «Дархандығымыз –  дастарханнан басталады» деген тақырыптағы мақаласын оқығанымда, өзімді де бірнеше жыл бойы мазалап келе жатқан жанайқайыммен бөліскім келді. Оным  қадірлі қонақ болып барып, қайтарымызда дастарханды сиыр жалағандай етіп сыпырып кететін жаман әдеттен  қалай арыламыз деген сауал.

Читать далее

Ғани мінер ақбоз ат

Ғани марқұм есіме түскен сайын, неге екенін қайдам, Оралхан Бөкейдің «Тортай мінер ақбоз ат» деген әңгімесі ойға оралады. Әңгімеде талабы зор, дарынды Тортай үлкен қалаға барып, оқу оқи алмай, ауылда қалып қояды. Жазушыда осыған қынжылыс бар.

Менің шәкіртім Ғани да ауылда қалып қойды. Алысқа шыға алмады. Жасынан денсаулығы көтермеді. Әйтпесе, әжептәуір сазгерлік қабілеті бар еді. Әуелетіп ән де салатын. Ауылдың шағын клубында, заманның кең кезінде Қараегіннің көркемөнерпаздар үйірмесін де басқарды.

Читать далее

Қулыкөлде Қуаттай ақын өткен

1991 жылы Ақмола облыстық «Арқа ажары» газетінде журналист Ілияс Қарағозиннің сілетілік ақын Қуат Арабданұлы туралы мақаласы жарияланған болатын.

Осы ағамыздың мақаласының негізінде өз заманында Арқа, Ереймен, Сілеті өңірлеріне ақындығымен танымал болған Қуат атамыздың (1802–1894ж.ж.) өмірбаяны мен шығармашылығын зерттеу әрі қарай да жалғасын тапты.

Читать далее

Мен кешіргенмен, қателігін түсінсе...

Құрметті «Арқа ажары» газетінің редакциясы! Хатымның басын қасиетті Мұхаммед (с.ғ.с.) пайғамбарымыздың хадис шәрифінен бастағым келіп отыр. «Кімде-кім біреудің бір қатесін жасырса, Алла тағала сол адамның да қатесін жасырады» деген.

Читать далее

Жетімдерімізді неге шет ел асырамыз?!.

Сонау қазан төңкерісінен кейінгі қысылтаяң жылдар, Ұлы Отан соғысының ауыр жылдарында да  жағдайдың қиындығына қарамастан, балаларымызды тентіретпеуді ойлаған ел едік. Ғани Мұратбаев сияқты асылдарымыздың арып-ашыған жетім балаларды көшелерден жинап алып, интернатқа, балалар үйлеріне тапсырғаны естеріңізде ме?

Читать далее

«Арқа ажары» көтерген мәселе

Ақмола облыстық «Арқа ажары» газетінің 2014 жылғы 24 шілдедегі №86 санында жарық көрген Қайырбай Төреғожаның «Орманның оталуына тоқтау бола ма?» атты мақаласын ұжымымызбен оқып, табиғатқа жанашыр болғандарыңызға қуанып отырмыз. Алдағы уақытта да газеттеріңізде орманды өрттен, сұғанақ қолдардан қорғау тақырыбында осындай мақалалар жарияланып тұрады деген сенімдеміз.

Читать далее

Ұяда не көрсең, ұшқанда соны ілерсің...

Қазақ ежелден үлкенді сыйлап, кішіге ізет танытқан халық. Ал, осы тәрбиенің түп-тамыры ауылда жатқанын айтқым келеді. Мен де біразды көрген анамын. Жасым 72-де. Қоғамда болып жатқан түрлі өзгерістерді өзімше қадағалап отырамын.

Читать далее

Талабы таудай Сәменбет

Шағын қаламызда өткізілген соңғы ауыл шаруашылығы жәрмеңкесінде мал өнімдерімен сауда жасаушылардың ішінен бір жерлесіміз көзге көп түсе қоймайтын ешкі етімен, тіпті, жарты литрлік пластмассалық құтыларға  құйылған ешкі сүтімен елді ерекше елең еткізді.

Құтының жапсырма қағазынан Ерейменнің өнімі екені көрініп тұр. Осыны біліп алған біздер де бұл күнде таңсық болып кеткен осы өнімді өндірушілерге жол тарттық.

Читать далее

Кіру саны

  • Қолданушылар : 2
  • Материалдар : 7143
  • Сілтемелер : 9
  • Материалды қарау саны : 4347072