Ол да өңіріміз үшін қосымша табыс көзі. Облыстық туризм басқармасының қолдауымен Щучинск-Бурабай курортты аймағында көрші Ресей мемлекетінің туристік фирмалары үшін ақпараттық тур өтті.
Шараның басты мақсаты – облысымыздың туристік әлеуетін арттырып, екі елдің туристік фирмалары арасында іскерлік қарым-қатынас орнату. Ресей елінің Курган, Екатеринбург, Тюмень, Челябі, Нижний Тагил және Березовский қалаларынан 22-ге жуық туристік фирмалардың өкілдері қатысты. Қонақтарға ең үздік демалыс нысандары таныстырылып, туристерге көрсетілетін қызмет түрлері назарға ұсынылды. Өңірдің бетке ұстар Абылай хан алаңында орналасқан мәдени-сәулет кешені, «Бурабай» мемлекеттік ұлттық табиғи паркі мен «Қазақстандық Лапландия» ертегі қалашығы ерекше ықыласқа бөленіп, қызықтырды. Курган қаласынан келген «Здоровье» санатория-курорттық ұйымының өкілі Светлана Сахарова өз ойымен бөлісіп, ынтымақтастық туралы 100-ге тарта келісім-шарт жасалғанын алға тартты. Оның айтуынша, екі елдің бірлесе жұмыс істеуі жалғаса бермек. Сонымен бірге, еліміздің басқа өңірлеріне де барып, тәжірибе алмасуды көздеуде.
«Арқа ажарының» өз ақпараты.
