Жоқ, әрине. Ауданда облыстық білім басқармасы мен Кәсіпкерлер палатасының бастамасымен кәсіптік бағдар беру аясында бірқатар игі шаралар ұйымдастырылды.
№7 Агротехникалық колледж қабырғасында мектеп оқушылары үшін ашық есік күні өткізілді. Колледж директоры Лариса Клименко оқу ордасында оқытылатын негізгі мамандықтармен таныстырып, балаларды аспазшы, құрылысшы және дәнекерлеуші сынды кәсіптерді игеруге шақырды. Ал, кәсіпкерлер палатасының Есіл аудандық филиалының директоры Талғат Әлжанов өз сөзінде аталған мамандықтар бойынша қандай кәсіп ашуға болатынын айтып, оқуды аяқтаған соң жұмысқа орналасудың жай-жапсарын ортаға салды. Одан соң оқушылар колледжді аралап, қызықты шеберлік сағаттарына қатысты. Сондай-ақ, олар ыждаһаттылықпен концерттік бағдарламаны тамашалады.
Жұмысшы мамандығының беделін арттыру мақсатында конкурс жарияланып, оған қалалық және селолық округтерден алты мектеп қатысты. Барлық топтар сайысқа үлкен жауапкершілікпен дайындалып, лайықты өнер көрсетті. Конкурс соңында қатысушылар мақтау қағаздары және естелік сыйлықтармен марапатталды.
Облыстық кәсіпкерлер палатасының
баспасөз қызметі.
Есіл ауданы.
