Мешіт – Алланың қасиетті үйі. Оны таза ұстап, ұдайы абаттандырып отырудың да маңызы зор. Себебі, мешіт есігін ашқан адамға ізгіліктің нұры шашылып тұрса, ол да бір жақсылық емес пе.
Осы мақсатта Ақмола облысы мешіттерінің арнайы байқауы ұйымдастырылды. Онда мешіттің көз тартар көркемдігі және жамағатқа насихат жүргізу жұмыстары басты назарға алынды.
Әділқазылар алқасының ұйғарымымен ең көркем мешіт аталымын Есіл аудандық мешіті жеңіп алса, қалған екі жүлделі орын Ақкөл және Жақсы аудандарына бұйырды. Мұндай шаралар алдағы уақытта да жалғасатын болады. Рамазан айын осылай тағылыммен өткізу қасиетті дініміздің де абыройын асқақтататыны анық.
