Кеше облыс әкімі Сергей Кулагин жеке мәселелері бойынша тұрғындарды қабылдады.
Аймақ басшысының қабылдауына келген облыстық саңыраулар қоғамының төрайымы Любовь Семченко мен Щучинск қалалық оқу-өндірістік кәсіпорнының директоры
Владислав Нам Көкшетау қаласындағы облыстық саңыраулар қоғамының ғимаратын жаңарту мәселесін көтеріп, Щучинскіде саңыраулар қоғамына жеке ғимарат беру жөнінде өтініш білдірді. Өз кезегінде аймақ басшысы жағдайды көзімен көріп, мәселені содан кейін барып қарастыратынын жеткізді.
Әкімнің қабылдауында болған қала тұрғыны Қосман Елеушов, Кирпичная 29 «А» мекен-жайы бойынша орналасқан үйді орталық жылу жүйесіне қосуға қол ұшын беруді сұрады. Аталмыш үйде 9 пәтер бар. Облыс басшысы үйдің жанына балабақша салынып жатқанын айтып, онымен бірге, осы үйді де жылу жүйесіне қосу жоспарда бар екенін жеткізді.
Облыс әкімінің бұл қабылдауына тұрғын үй, сауда-саттық, әлеуметтік жәрдемақы алу жөніндегі өтініштерімен Бурабай ауданының және Көкшетау қаласының тұрғындары келді. Көтерілген барлық мәселелер бойынша тиісті сала басшылары мен аудан әкімдеріне тапсырмалар берілді.
Облыс әкімінің баспасөз қызметі.
