Мемлекет басшысы Ұлттық Банк төрағасы лауазымына Президенттің көмекшісі қызметін уақытша атқарушы – Президент Әкімшілігінің Әлеуметтік-экономикалық мониторинг бөлімінің меңгерушісі Данияр Ақышевты тағайындауға келісім беру жөнінде Парламент Сенатына өз өтінішін жолдаған болатын. Сенаторлар Елбасының ұсынысына бірауыздан қолдау білдірді.
Данияр Ақышев біліктілігі және мол тәжірибесі бар маман. Ол Қазақ мемлекеттік басқару академия-сын үздік бітірген. 18 жылдан астам уақыт Ұлттық Банкте еңбек етті, соның жеті жылында төрағаның орынбасары болды. Соңғы уақытта Президент Әкімшілігінде қызмет істеді, еліміздегі ахуал мен экономикалық мәселелерді жан-жақты зерделей білетіндігі атап көрсетілді.
Елбасы Ұлттық Банк басқару жүйесінің, әсіресе мемлекеттік қаржыны басқарудың маңызды элементі болып саналатынын айтты. Қазір банкке және ұлттық валюта – теңгеге деген сенім азайды, бұған жол беруге болмайды. Елде теңге өтімділігінің тапшылығы сезіледі, экономиканы несиелеу көлемі төмендеуде. Бұлар төмен көрсеткіштер, оларды түзету үшін жұмыс істеу керек.
Мемлекет басшысы алда тұрған мәселелерді шешуге Д.Ақышевтың білімі мен тәжірибесі оған осы міндетті атқаруға септігін тигізетіндігіне зор сенім білдірді.
