Мұсылман адамның құлшылығы намаз оқып, бес парызды орындаумен шектелмейді.
Басқа да имани істер жанымызға көбірек серік болуы керек. Осындай ниетті ұстанған тайтөбелік азаматтар ислам күнтізбесіндегі қасиетті мұхарам айында жергілікті мешіт жанына 50 түп ағаш отырғызды.
Бұл игі іске ауыл әкімі Дінмұхамед Қалиев мұрындық болды. Ал, кәсіпкерлер Нұрбек Үйсімбаев пен Серік Әлімбаев демеушілік жасаса, жергілікті тұрғындар көшет отырғызуға өздерінің қол ұштарын берді. Ауыл мешітінің имамы Ерсін Үшкелбаев ел қамын ойлап жүрген азаматтарға дұға жасап, тілек тіледі.
Бақыт СМАҒҰЛ.
Целиноград ауданы.
