«Нұр Отан» партиясының «STOP Қылмыс» жобасы аясында партияның аудандық филиалдарының өкілдері халыққа қызмет көрсету орталығы қызметкерлерімен бірлесіп, дөңгелек үстел өткізді.
Жарқайың аудандық халыққа қызмет көрсету орталығының басшысы Әсет Қажығалиевтың төрағалығымен өткен жүздесуде сыбайлас жемқорлыққа қарсы күрес және оның алдын алудың жолдары қарастырылды. Партияның аудандық филиалы төрағасының бірінші орынбасары Жанат Мыңбаев жиналғандарға осы мақсатта жүргізіліп жатқан шаралар туралы баяндап берді. Жиында құқық қорғау органдары қызметкерлерінің кәсіби біліктілігін арттыру, мемлекеттік қызметшілердің ар-ождан ұстанымы мәртебелеріне сай болуы, қылмыстық жолмен табылған пайда мен мүлікті тәркілеудің тиімді тетігін енгізу сияқты пікірлер айтылды.
Егіндікөл ауданының халыққа қызмет көрсету орталығында да аталған мәселе қызу талқыланды. Партияның аудандық филиалы төрағасының бірінші орынбасары Махсетбай Серікбаев сөз алып, Қазақстан Республикасының 2015-2025 жылдарға арналған сыбайлас жемқорлыққа қарсы стратегиясында айтылған міндеттерге егжей-тегжейлі тоқталды.
«Арқа ажарының» өз ақпараты.
Жарқайың, Егіндікөл аудандары.
