Қазақстанның коммунистік халықтық партиясының жетекшілері Владислав Косарев пен Тұрғын Сыздықов Ақмола обкомында партияның жаңа буын өкілдерімен «Қазіргі кезеңдегі коммунистік идея» тақырыбында кездесу өткізді.
Кездесуде сөз алған партия басшысы Владислав Косарев жиналғандарға халық арасында коммунистік идеяны насихаттау бойынша табыс-ты жұмыс атқарғаны үшін алғысын білдірді.
– Қазіргі өркениеттің дамуы кезеңінде коммунистік идея күннен-күнге өзекті болып келеді, – деді Владислав Косарев өз сөзінде.
Сонымен қатар, ол басты құндылық – адамның рухани дамуына жағдай жасау, халықтардың рухани құндылықтары мен дәстүрлерінің сабақтастығын сақтау, жеке адамның қызығушылығын жүзеге асыру тетіктерін қалыптастыру, қоғам негізі – отбасын қолдау бағытындағы мемлекеттің саяси бағытын қолдайтындықтарын атап өтті.
