Баршаңызды жарқын көңілді көктемнің мерекесі 8 Наурыз – Халықаралық әйелдер күнімен құттықтаймыз! Тәуелсіз еліміздің ширек ғасырлық тарихында мемлекет пен қоғам алдындағы жауапкершіліктерін терең сезіне отырып, біздің қыз-келіншектеріміз өздерінің мейірімді де шуақты жан дүниелерімен, қажырлы еңбектерімен, қоғам алдындағы парыздарын адал атқарып келеді. Еліміздің әлеуметтік-экономикалық нығаюына да қазақстандық қыз-келіншектердің қосып келе жатқан үлестері зор екендігі анық жай.
Қазақстан Республикасының Президенті, Елбасы Нұрсұлтан Назарбаев «Әйел – өмір тірегі ғана емес, әйел – өмірдің өзі», – деп бағалай отырып, мемлекет тарапынан әйел мен баланың жағдайын жақсартуға әрдайым көңіл бөлінуін ұдайы өз назарында ұстап келеді.Біз өздерінің еңбектерімен, қайраткерлік қасиеттерімен қалың елге әйгілі болып жүрген ақмолалық қыз-келіншектердің қатарының жыл сайын көбейіп келе жатқандығын мақтаныш етеміз де, шынайы ризашылығымызды білдіреміз.
Бүгінгі мереке күні әр шаңырақтың әжелері мен аналарын, қыз-келіншектерін мерекемен құттықтай отырып, әр отбасына бақыт пен береке, ырыс пен дәулет, қызық пен қуаныш, бақытты жақсылықтар тілейміз.
Рашит ӘКІМОВ,
Жабал ЕРҒАЛИЕВ,
Парламент Сенатының депутаттары.
