Көкшетау қаласындағы №6 орта мектепте Мағжан Жұмабаев атындағы облыстық әмбебап-ғылыми кітапханасы ұжымының ұйымдастыруымен Жамбыл Жабаевтың туғанына 170 жыл толуына орай, «Жыр алыбы – Жамбыл» атты әдеби сағат өтті.
Жүз жасаған жыр алыбы Жамбыл Жабаевтың өмірі мен шығармашылығы жөнінде толыққанды ақпарат беру мақсатында өткізілген шараға елуге тарта оқушы қатысты. Жиналғандарға жыраудың әр өлеңінің тарихы баяндалып, ол жайлы бейнебаян көрсетілді. Қорытындылау кезеңінде пысықтау сұрақтары қойылып, оқушылар өз пікірлерін ашық жеткізе алды.
«Арқа ажарының» өз ақпараты.
