Ақмола электр желілік үлестіру компаниясы Ақмола облысы тұрғындарын электр қондырғыларына және электр беру желілері сымдарына жақындаудың қауіптілігі және электр энергетикасы нысандарына рұқсатсыз енуге жол берілмейтіндігі туралы ескертеді.
«Байқаңыз! Электр кернеуі!», «Тоқта! Кернеу!», «Кірме! Өлтіреді!» – жай ғана сөздер емес, шынайы қауіп туралы ескерту болып табылады.
«АЭҮК» АҚ облыс тұрғындарын трансформаторлық қосалқы станциялар мен электр беру желілерінің күзет аймағында жеке қауіпсіздік шараларын сақтауға, абай болуға, балаларды жалғыз қалдырмауға және оларға электр энергиясына қатысты қауіп-қатерлер туралы ескертуге шақырады.
Электр беру желілерінің күзет аймақтарында осы желілердің қарамағындағы ұйымның алдын ала жазбаша келісімінсіз төмендегілерге рұқсат берілмейді:
– жол бетінен 4,5 метрден жоғары жалпы биіктікке ие машиналар мен механизмдер жүрісі;
– кез-келген ғимараттар мен құрылыстардың құрылысын, күрделі жөндеу жұмыстарын, қайта құрылуын немесе құлатылуын жүзеге асыру;
– жүк тиейтін-түсіретін және жер жұмыстарын жасау, ағаштар мен бұталарды көшеттеу және кесу, мал үшін ашық қораны ұйымдастыру, бау-бақшаларда сымды қоршауды орнату;
– ӘЖ подъездері мен оларға барар жолды бөгеу;
– машина мен механизмдердің барлық түрлерінің тұрақтарын ұйымдастыру.
ҚР Үкіметінің Қаулысымен бекітілген Электр желiлерiн күзету қағидаларына сәйкес, күзет аймақтары ӘЖ шеткі сымдарынан төмендегі арақашықтықта орналасқан:
1 кВ-ге дейінгі ӘЖ үшін – 2 м
20 кВ-ге дейінгі ӘЖ үшін – 10 м
35 кВ-ге дейінгі ӘЖ үшін – 15 м
110 кВ-ге дейінгі ӘЖ үшін – 20 м.
